LT excited na sa iyang role

CEBU, Philippines - Naghinam-hinam na si  Lorna Tolentino sa seryeng  Genesis gumikan kay hugyaw ang iyang role. Modala siya isip anak sa bise presidente sa Pilipinas. Ang maong serye pagabidahan ni Dingdong Dantes.

Lani nanumpa na

Nanumpa na  si  Lani Mercado isip re-elected house representative sa  Bacoor sa St. Michael’s Church sa Bacoor, Cavite sa miaging adlaw. Nanumpa si Lani atubangan sa iyang bana nga si Sen. Bong Revilla Jr.

Maglisod og singit

Gipadayag ni  Gerald Anderson nga angay lang huwaton ang pagsugod sa   Bukas Na Lang Kita Mamahalin gumikan kay dili pa kini ma-insert karong panahona gumikan kay nagbaha pa ang nindot nga mga programa.”Hindi naman ako nagmamadali, kumbaga, sa right time pa siguro. Abangan n’yo po. I’m sure magugustuhan n’yo,” suma pa sa aktor.

Bekikang

Si Derek Wenn Deramas maoy direktor  sa launching movie ni Joey Paras nga Bekikang. Ang Viva Films maoy producer sa maong pelikula.

Wynn na-starstruck ni Robin

Giangkon ni Wyn Marquez nga na-admire  siya sa ka-guwapo ni Robin Padilla. Magkauban ang duha sa pelikulang 10,000 Hours nga entry sa Metro Manila Film Festival 2013 busa na-starstruck siya pagkakita niya sa aktor atol sa shooting . Gidala ni Wyn ang role isip anak ni Robin.

Bea selosa

Giingong usa ka Kapamilya female  star ang  suod karon ni  Jake Vargas ug mao kini ang gidungog nga giselosan ni Bea Binene hinungdan nga magsige sila og lalis.

Panagtagbo

Gipangandoy ni Phillip Salvador nga magkaimamat unta sa personal ang anak niya kang  Kris Aquino  nga Josh ug anak usab niya nga lalaki sa iyang asawa nga Emma Ledesma .

Benjie: Ayaw ko basola!

Gitataw ni Benjie Paras nga dili unta siya basulon kung nganong  wala tinggi sa iyang mga anak ang inahan nila nga si Jackie Forster: Matud pa niya nga iyang mga anak maoy dili andam makighinabi kang Jackie.

Enrique nasorpresa sa titulo

Nasorpesa pag-ayo si Enrique Gil gumikan kay gihatagan siya og titulo sa ABS-CBN nga  “The Next Ultimate Leading Man”. Wala niya damha ang maong titulo ilabi na nga ubay-ubay na usab karon ang sikat nga mga artista sa iyang mother network.

Lloydie-Sarah soap dili madayon

Dili madayon ang serye ni John Lloyd Cruz kung diin iyaha unta nga mapares si Sarah Geronimo. Nangita pa karon ang ABS-CBN og aktres nga puwede ipares kang Lloydie. Dili pa makabuhat si Sarah og serye gumikan kay busy kini sa The Voice.(Sanden J. Anadia)

LJ tak-om gihapon

Dili na motubag si LJ Reyes kung pangutan-on kalabot sa istado nila karon ni  Paulo Avelino. Wala pa nihatag og kumpirmasyon ang duha kabahin sa taho nga wala na sila nagpuyo.

Karisma nagpabilin

Napamatud-an ni Gladys Reyes nga maayo gihapon siya magminaldita atubangan sa kamera human napuno sa pagdayeg ang karakter niya isip Agoncilla sa seryeng Home Sweet Home.

Iwa mauwaw sa iyang lawas

Dili na kaayo mogawas si Iwa Moto gumikan kay nanambok ang iyang lawas. Nasayran nga pito na ka buwan nga nagsabak si Iwa Moto alang sa umaabot nila nga anak ni Pampi Lacson.

Hanggang Kailan Kita Mamahalin

Nag-ulohan og Hanggang Kailan Kita Mamahalin ang umaabot nga teleserye sa ABS-CBN nga pagabidahan nila ni Jericho Rosales, Maja Salvador, ug  Angel Locsin. 

Wala’y talent fee

Mapasalamaton si Vilma Santos sa iyang mga higala nga ni-guest sa indie film niya nga Extra gumikan kay wala gyud kini nagpabayad. Kini naglangkob nila ni Piolo Pascual, Marian Rivera, Cherie Gil, Cherry Pie Picache, Richard Yap, Eula Valdez, ug  Pilar Pilapil. (BANAT NEWS)