Cast ng ‘Annaliza,’ pinasaya ang mga batang taga-Navotas

MANILA, Philippines - Isang thanksgiving outreach program ang idinaos kamakailan ng cast ng ABS-CBN top-rating family drama na Annaliza sa Barangay NBBS, Na­votas City. Pinangunahan ng rising teleserye prin­cess na si Andrea Brillantes, kasama ang iba pang child stars ng soap na sina Kyline Alcantara, Jil­lian Aguila, John Vincent Servilla, Dale Baldillo, at Rein Tolentino, ang pamimigay ng school materials tulad ng textbooks sa mga bata roon. Sabay-sabay din silang nagsalu-salo para sa isang simpleng mer­yenda. Game na game rin silang su­mayaw kasama ang piling bata sa pagtitipon, habang magkahiwalay na song numbers naman ang ini­handog ni Andrea at ng ate niya sa teleserye na si Kyline.

Layunin ng event na dinaluhan ng humigit-kumulang sa 300 residente ng barangay ang magpasalamat sa mga taong walang sawang sumusu­bay­bay sa Annaliza lalo na sa mga taga-Navotas kung saan kinunan ang karamihan sa mga eksena ng pilot week ng soap. Hindi pa rito nagtatapos ang pagtulong ng Annaliza dahil mga batang may ka­ram­daman at mga batang inabuso mula sa mga insti­tusyon ang susunod na bibisitahin at papasaya­hin ng cast. Huwag palalampasin ang Annaliza ga­bi-gabi, bago mag-TV Patrol sa Primetime Bida ng ABS-CBN.