Joshua bidang-bida sa bagong commercial ni Kris

MANILA, Philippines - Hindi na mabilang ang TV ads/commercials na ginawa ni Kris Aquino.

Merong siya lang pero marami-rami na rin ang kasama niya ang kanyang bunsong anak na si Bimby, pero masasabing rare moment pa na ka­­sa­­ma na rin sa TV ads ni Kris ang panganay na anak na si Joshua.

Sa bagong TV ad campaign ng San Marino Corned Tuna, nagtagumpay ang CDO brand na mapagsama ang tatlo.

Masayang-masaya si Kris na nakasama niya, hindi lamang si Bimby kung hindi pati ang eldest son niya na si Josh na kaka-18th birthday lang last June 4.

At sa bagong San Marino Corned Tuna commercial ni Kris, ramdam na ramdam kung gaano niya kamahal ang dala­wang anak at kung paanong bonding meron silang mag-iina.

“I just want my two sons to remain as loving and close as they are now,” sabi ni Kris sa kanyang mga interview.

Nagta-trabaho at nag-iipon ng husto si Kris para na rin sa magandang future ng mga anak.

At sa bagong TV ad din ng San Marino Corned Tuna, masasabing ang “bida” talaga sa commercial ay si Josh.

Ipinapakita rito kung paano na-achieve ni Josh ang weight na meron siya ngayon.

Kasama rin sa commercial ang dalawang coach ni Josh na sina Coach Chappy and Coach Evan na siyang nakatulong ni Kris para ma-motivate ang anak na magpapayat.

“Josh was excited because of his workout coaches being part of the TVC. And he’s super proud of his body transformation.

“Josh has lost 120 lbs and I’m so proud of my son. ’Yung waistline niya, dati 46 inches, ngayon 36 inches na lang. I’m so happy,” sabi ng presidential sister sa kanyang programang Kris TV kamakailan.

Sa panayam naman sa swimming coach ni Josh na si coach Evan, sinabi nito na sa regular na pagti-train ni Josh, hindi lang ang paglu-lose ng fats ang na-gain nito, napansin din niya kung paano mas naging disiplinado si Josh ngayon.

Sa isang banda, si Coach Chappy naman ay masaya kung paano naging epektibo kay Josh ang ginawang circuit training.

Natutuwa itong nakikita na mas nakakakilos na ng magaan si Josh ngayon at mas naging healthy din maging sa kanyang diet.

Bukod sa workout na ginagawa ni Josh, hindi rin nawawala ang suporta ni Kris sa anak lalo na pagdating sa mga pagkain.

At isa si Kris sa mga celebrity endorser na aminadong ine-endorse niya lamang ang mga produktong pinaniniwalaan at talagang nagagamit niya.

Ang San Marino Corned Tuna raw ang isa sa naging importanteng diet ni Josh.

 â€œJosh eats healthy. Fruits and cereal, salad, grilled chicken, tuna, stir fried vegetables. He stopped softdrinks, bottled juices, and he drinks a lot of water and buko juice,” sabi ng Queen of All Media.

Ang San Marino Corned Tuna ay mas konti ang oil kumpara sa karaniwang tuna flakes in oil at mas maraming lamang tuna. May sarap itong corned beef at mga health benefit ng tuna. At sa 180 g. ng lata ng San Marino Corned Tuna, merong 1,125 mg. ng Omega 3 na nakakababa ng cholesterol, blood sugar, at nakaka-reduce ng risk of heart attack.

Mariel kuntento sa New York, Robin nilayasan na nga ba?

May problema nga ba sina Robin Padilla and Ma­riel Rod­riguez?

Sa text message ng isang kakilala, sinabi nitong parang may something na nangyayari kina Robin at Mariel kaya hindi masyadong sweet-sweetan ang dalawa sa kanilang account sa photo and video sharing network na Instagram.

I-check ko raw dahil ang last post ni Robin na picture ni Mariel na may caption na “you deserve the best of everything.” Dedma na si Mariel sa actor na asawa.

Kasalukuyan daw nasa New York si Mariel. Almost two weeks na diumano itong nasa New York at wala pang sinasabi kung kailan siya uuwi.

Pumunta raw sa Amerika si Mariel dahil na-hos­pital ang kanyang ama. Panay daw ang pakiki-bonding nito sa kanyang pamilya sa New York at no mention of Robin.

Oh, may nagaganap bang kakaiba sa mag-asawa?

Kilalang very open si Mariel sa nararamdaman sa actor. Madalas siyang nagpo-post ng “I love you babe” sa actor. Ngayon daw walang mga ganun si Mariel.

Nauna nang napabalita na hindi pa rin nabibigyan ng US visa si Robin dahil sa dati pa niyang kaso kaya hindi ito nakasama nang umalis si Mariel.

Well, hintayin nating bumalik sa bansa si Mariel o linawin ni Robin ang isyu.