Charice ug Alyssa mag-duet

CEBU, Philippines - Naghinam-hinam na si Charice sa iyang third album nga i-release karong September gumikan kay dunay unod niini nga  nag-duet sila sa iyang girlfriend nga si Alyssa Quijano.  Nagdumili una si Charice sa pagbutyag sa titulo sa kanta aron masurpresa ang iyang fans.

Sammy ilubong karong Domingo

Ilubong na karong Domingo sa Providence Memorial Park sa Bulacan ang komedyanteng aktor nga si Sammy Lagmay kinsa nipanaw niadtong Miyerkules gumikan sa sakit nga diabetes. Ang mga kaubanan niya nga artista nagbangotan sa iyang kamatayon ilabi na nga dako usab kini og nahatag nga kontribusyon sa industriya sa showbiz.

Pauleen ug Vic magpakasal na?

Wala moderekta og tubag si Pauleen Luna sa report nga matud pa nagplano na sila ni  Vic Sotto nga magpakasal. Gitataw sa aktres nga mailhan ra kini sanglit dili man niya  isekreto sa mga tawo sa higayon nga mosulod na siya sa maong butang.

Best gift

Giselebrar ni  Andi Eigenmann ang iyang 23rd birthday niadtong Martes sa gabii sa usa ka Japanese restaurant kung diin kauban niya  ang iyang inahan nga si Jacklyn Jose, ang kinamanghoran niya nga igsuon ug ang anak niya nga si Adrianna "Belle" Gabrielle. Gihulagway niya nga “best gift” ang iyang anak kinsa magduha na ka tuig karong Nobiyembre.  (Sanden J. Anadia)