Kapuso starlet na si Ryzza Cenon pinandirihan dahil sa pagkain ng uod at hantik

SEEN: Ang second honeymoon sa London ni Krista

Ranillo at ng kanyang businessman husband na si Niño Lim. Hindi kasama ng mag-asawa ang kanilang dalawang anak.

SCENE: Napaiyak si Jessy Mendiola sa solo presscon nito para sa Maria Mercedes nang ikuwento niya ang dalawang taon na relasyon nila ni JM De Guzman na kanilang inilihim.

SEEN: Thirty days lamang na ipapalabas ng TV5 ang Misibis Bay at maaari itong magkaroon ng extension kung mataas ang rating.

SCENE: Si Ritz Azul ang bida sa Misibis Bay. Mahigpit na makakatapat ng Misibis Bay ang Juan Dela Cruz ng ABS-CBN at Anna Karenina ng GMA 7.

SEEN: Ang TV endorsement ni Kim Delos Santos sa bagong version ng Anna Karenina. Si Kim ang gumanap na Nina sa original Anna Karenina at malaki na ang ipinagbago ng kanyang physical appearance.

SCENE: Starlet na starlet si Ryzza Cenon sa guesting niya sa midnight show ni Tim Yap. Pinandirihan si Ryzza nang ikuwento nito na kumain siya ng uod at hantik sa isang challenge ng Eat Bulaga na kanyang sinalihan at hanggang sa pag-pupu niya, ‘yon ang itsura.

SEEN: Mahihirapan si Ryzza Cenon na mapantayan at mahigitan ang kasikatan ni Ryzza Mae Dizon dahil sa kanyang starlet image at orientation.

SCENE: Hindi nakadalo si Daniel Matsunaga sa presscon ng Misibis Bay dahil dinalaw niya sa Brazil ang mga magulang at kapatid.