Kim Chiu iniintriga sa pagkamatay ng ina; Coaches ng The Voice… hindi nagpapalit ng damit

SEEN: Nag-oath-taking na kahapon sina Jonvic Remulla at Jolo Revilla bilang gobernador at bise gobernador, respectively ng lalawigan ng Cavite. Dumating si Jodi Sta. Maria sa oath taking.

SCENE: Hindi na nagpalit ng damit ang The Voice of the Philippines coaches at host mula nang mag-umpisa ang kanilang talent search show dahil tuhog ang taping nila.

Naartehan pa rin ang televiewers sa “acting” nina apl.de.ap at Lea Salonga.

SEEN: Tuloy na tuloy ang concert ni Sarah Geronimo sa La Salle Coliseum, Bacolod City sa Biyernes, June 28.

SCENE: Ang apela ni Kim Chiu na bigyan ng konting respeto ang pagpanaw ng kanyang ina. Nasaktan si Kim sa mga intriga tungkol sa relasyon nila ng kanyang ina at sa tunay na kalagayan nito bago namatay.

SEEN: Satisfied ang mga executive ng TV5 nang panoorin nila ang pilot episode ng Undercover, ang upcoming TV series ni Derek Ramsay sa Kapatid Network.

SCENE: Top absentees sa Kongreso sina Mikey Arroyo, Manny Pacquiao, at Jules Ledesma. Inaasahan ang pagtatanggol ni Assunta de Rossi sa kanyang asawa na hindi nawawala sa listahan ng mga kongresista na palaging absent sa Kongreso.

SEEN: Inaabangan ng fans nina Nora Aunor at Tirso Cruz III ang telesine sa TV5 ng kanilang mga idolo. Kinikilig ang fans sa balita na may love scene sa telesine ang mga senior citizen actor na hinahangaan nila.