Character

CEBU, Philippines - Tandaan yan, Julian Tancawan Fitoy Vahawan! Dili ako ang misunod ni Eliana. Siya’y nisunod nako. Tan-awa ra god nang photo nako sa akong logo dinhi’s Banat Hugyaw, 48 years na intawon na, ug ang afternoon  teleserye nga gikabuangan nako, wa pa’y five months. So, dili ug dili gyod ako’y misunod ni Eliana. In fairness, polos maayong midala sa ilang mga characters ang mga artista. Pero mas nahugyaw ko nilang Sherilyn Reyes [dili Sheryn Regis, ha], Chynna Ortaleza, ug Martin Kristofer [si Gabo] sa ilang mga characters. Kay actually, mas mahugyaw man ko’g lahi nga character, sa movie, teleserye ug bisan sa tablado. So, tandaan, Julian Tancawan, Fitoy Vahawan. Lahi na sad, as in lahi na pod gyod ang character nako sa bag-ong teleserye, nga gibuhat namo ron para sa INTV-CCTN, Channel 47. Yes, kini nga character, gi-offer na ni nako kaniadto. Pero akong gibalibaran. Pero kini karon, wa gyod ko sultihi nga mao ni akong character. Pag-schedule, giingnan lang kong direk Ronnie Gonzales [yes, director sa Baylo Ta], nga magdala la’g usa ka casual, so mao ra to. Pero pag-take na, ayaay! Gipasul-ob ko’s costume, sa character nga gibalibaran nako niadto! Wa na ko’y choice. Kay kun mobalibad ko, malangan ang shooting, ug dili gyod na mahitabo, nga moabot ang ponto, nga ako’y makapalangan sa shooting, PERIOD. Yes, again, magka kauban mi dinhi’s Goliat, ang kauban nako kaniadto sa “ Si Goot da Wanderpol” ug sa “Da Wanderpol Cholokoys.” Star studded ang maong TV series. Apil ang ilado ug multi-talented TV host-actress nga si Star Lormil Cabrera [belated happy birthday], Dos Companieros, ang mga ambongang nag-water water sa sex appeal nga sila’s Roniel ug Rodel Languido, Hannah Cabanero, ug si Congressman –elect Bebot Abellanosa, ug introducing  Heart Ponce, apo sa iladong radio personality Celso Ponce, among so many others.