Bossing ng Eat Bulaga wala pang alam sa pagpasok ni Marian
Nabalitang papasok sa Eat...Bulaga si Marian Rivera bilang dagdag na host at itatapat daw kay Angel Locsin na balitang papasok naman sa It’s Showtime. Nang makita si Ms. Malou Choa-Fagar, lady boss ng Eat... Bulaga, ang tungkol dito ang una naming itinanong.
Walang nabalitaan si Ms. Malou na papasok si Marian sa Eat...Bulaga, puwera na lang daw kung papasok ang leading lady ng My Lady Boss na hindi niya alam. Naniniwala si Ms. Malou na kaya may ganitong usapan dahil nabalitang magiging part na ng It’s Showtime si Angel.
Kung totoong papasok nga si Marian sa Eat...Bulaga, matutuwa ang fans nito dahil araw-araw siyang mapapanood, kaya lang, dusa ang schedule nito ‘pag magkaroon siya ng soap na balita namin, si Maryo J. Delos Reyes ang director.
Busy pala si Marian at Richard Gutierrez sa promo ng My Lady Boss at wala nang urungan ang showing nito sa July 3. Nakaganda ang pagkabalam ng playdate ng movie dahil mas naayos ang editing ng movie sa direction ni Jade Castro.
Kris naghahanap na naman ng bagong mabibiling property
Second day ngayon ng special episode ng Kris TV at kung saan, ang SingaÂpore grand vacation nina Kris Aquino at mga anak na sina Josh at Bimby ang ipinapakita. Up to Friday pa ang episode na at least, makikita ang Lion City minus the smog.
Anyway, wala pang update kung sino ang papalit kay Bb. Joyce Bernal sa pagdidirek ng December filmfest entry na Torky and My Little Bossing. Hindi pinayagan ng MMFF si Joyce na dalawa ang ididrehe niyang pelikula. Dapat kilala ni Bimby ang papalit kay Joyce dahil choice ng bagets si Joyce na matagal na niyang kilala at komportable siya rito.
Si director Tony Reyes ang Supervising Producer ng Torky and My Little Bossing at hindi kami magugulat kung sa kanya ibigay ang pagdidirek nang nasabing pelikula. Ito ay kung hanggang July na sisimulan ang shooting ng movie ay wala pa ring mahanap na director sa first movie nina Bimby at Ryzza Mae Dizon kasama sina Vic Sotto at Kris.
Nalito pala kami sa nabasang schedule ni Kris kahapon na house/property hunting dahil nabanggit nitong lilipat na sila sa nabiling bahay sa Ayala, Alabang sa July. O baka gusto pa nitong bumili ng iba pang bahay.
Katangahan…
Nabigyan kami ng pictures nina Bianca King at Rafael Rosell na kuha sa taping nila ng Maghihintay Pa Rin sa Singapore. Kabilang sa mga litrato ang kissing scene ng dalawa na passionate at matinding lips-to-lips. Ito yata ang nakuwento ng aktor na sumisigaw na ng “cut†si direk Don Michael Perez hindi pa niya narinig at tuluy-tuloy pa rin siya sa paghalik kay Bianca.
“Hindi ko alam kung katangahan ko ‘yun, nahihiya kasi kami dahil may tao, kaya wala na akong naririnig ilang beses na palang nagka-cut si Direk. Ang tagal ng kissing scene na ‘yun,†sabi ni Rafael.
Kahit break na sina Bianca at Dennis Trillo at kahit may ‘bro code†sina Dennis at Rafael, magre-react pa rin si Dennis ‘pag nakita ang picture o napanood ang eksena ng best friend at ex-GF.
Sabagay, sinabi rin ni Rafael na naintindihan ni Bianca ang nangyari at hindi ito nagalit sa kanya at hindi rin siya sinita, nagkatawanan na lang daw sila. Saka alam nilang pareho na trabaho lang ang kanilang ginawa.
- Latest
