Bong susubok sa iba

Si Toni Gonzaga ang leading lady ni Sen. Bong Revilla, Jr. sa kanyang Metro Manila Film Festival (MMFF) entry. Aba, bagong tambalan naman ito. Fantasy ba uli ang gagawin ni Bong o ibang genre naman?

Knowing Bong, hindi ito basta-basta gumagawa ng project. At dahil pang-MMFF at pang-Christmas pa, hindi ito babasta-bastahin ng actor-politician. ’Di ba, Sen?

Amalia malaki ang bilib kay Juday

Salamat naman at nagustuhan ni Amalia Fuentes ang role niya sa Huwag Ka Lang Mawawala na may temang female empowerment. Nakapag-taping na siya for the said teleserye at galing na galing siya sa acting ni Judy Ann Santos.

Hindi isang mahirap sa kuwento ang karakter ni Amalia kundi isang doktor na magiging malaki ang bahagi sa buhay ng character naman ni Juday.

Pakikipag-live-in ni Victor Basa ipinagmamalaki pa

Revelation ’yung sinabi ni Victor Basa sa isang TV show na live-in arrangement na sila ng girlfriend niya. Ginagawa nila ito para malaman kung magiging komportable sila sa isa’t isa.

Pero wala pa silang balak na magpakasal dahil hindi pa sila stable na gusto kong ipakahulugan ay nag-iipon pa sila.

Alden naiipit sa pagde-deny kay Julie Ann

Ngayon ay fans naman ni Julie Ann San Jose ang may tampo kay Alden Richards dahil itinatanggi ng aktor ang panliligaw niya sa singer.

Matatandaan na mga tagahanga ni Alden ang nagalit noon dahil ’di puwedeng ligawan nito si Julie Ann dahil baka maapektuhan ang love team nila ni Elmo Magalona. Saan na ba lulugar si Alden?