Naiibang kasalan ipakikita ni kuya Kim

MANILA, Philippines - Hunyo na at panahon ng kasalan kaya hindi pa­huhuli ang Trivia King ng bansa na si Kuya Kim Atienza sa pagbabahagi ng impormasyon kung paano magiging extra special ang inyong wedding at kung anong mga pamahiin ang dapat iwasan ngayong Linggo (June 23) sa Matanglawin.

Alamin ang mga naiibang trinkets para maging unique ang inyong kasal, tulad ng clay souvenirs, “explosion” invitation boxes, at cake at tote towels, at pati na ang iba’t ibang gimik sa wedding cakes.

Humugot ng mga ideya kung paano magi­ging bukod-tangi ang pagsusumpaan sa walang hanggang pagmamahalan. Ma-inspire sa mag-asawang ikinasal sa ilalim ng dagat, at kina DJ Nicole Hyla at asawang si Renly na nagkaroon ng Hello Kitty-themed wedding, at rocker Jay Contreras ng bandang Kamikazee at asawang si Sarah Jane Abad na temang goth naman ang kasalan.

Samantala, magbabahagi rin si Kuya Kim ng mga trivia tungkol sa kasal at engagement kasama ang Kalokalikes nina Coco Martin at Julia Montes mula sa programang It’s Showtime.

Romance is in the air sa Matanglawin nga­yong Linggo (June 23), 9:30 a.m., sa ABS-CBN.