Isyu sa pang-uumbag ng asawa, tinapos na, Daiana nagpalaki ng boobs!

First time ko na nakita sa TV si outgoing Congressman Benjo Benaldo, ang mister ni Daiana Menezes.

In fairness sa kanya, naguwapuhan ako kay Congressman Benjo at mukhang in love na in love naman siya sa kanyang Brazilian wife na naging kontrobersiyal dahil sa mga emote niya sa social media.

Case closed na ang mga hinala na battered na misis si Daiana dahil ito mismo ang nag-deny na inuumbag siya ni Rep. Benjo. KSP as in kulang lamang daw siya sa pansin.

Maraming tao ang ginulo ni Daiana dahil sa kanyang mga tweet. Pati ang Department of Social Welfare and Development (DSWD), nakialam sa kaso niya. Type ng DSWD na tulungan si Daiana pero paano nila tutulungan ang isang babae na nag-deny sa national TV na wala silang problema ng kanyang asawa?

Sa susunod, dapat maging maingat si Daiana sa mga drama niya. Mababaw ang reason niya na kulang lamang siya sa atensiyon ng kanyang dyowa.

Kung gusto ni Daiana ng tahimik na buhay, tigil-tigilan na niya ang pagdadrama sa social media ’no?!
Si Daiana Menezes nga pala ang bagong endorser ng Belo Medical Clinic sa breast augmentation procedure.

Walang kinalaman ang pagpapadagdag ni Daiana ng boobs sa domestic violence eklat dahil kusang loob ang desisyon niya na ipagawa kay Dr. Vicki Belo ang kanyang dibdib. Sa rami ng mga babae na nagpatsugi ng boobs, tanging si Daiana ang nag-ingay at sumabay pa ito sa paglalagay ng kanyang mga billboard sa EDSA.

Ever supportive doctor si Mama Vicki sa mga pasyente­ niya at celebrity endorsers. Sinamahan pa niya sa mga radio at TV interview si Daiana. May naka-schedule sila na interbyu kay Papa Ricky Lo para sa Philippine Star at Startalk. Siyempre, ang procedure na pinagdaanan ni Daiana ang topic, incidental na lang ang relasyon nila ng kanyang mister na kongresista.

Official entries malalaman na

Malalaman ngayon ang walong official entries sa 2013 Metro Manila Film Festival (MMFF) at gaya nang dati, si MMDA Chair Francis Tolentino ang in charge sa announcement.

Nabanggit ni Rocco Nacino sa isang interview na kasali sa MMFF ang Ibong Adarna. Si Rocco ang bida ng pelikula.

Hindi kumpleto ang MMFF kung hindi kasali ang mga pelikula nina Vic Sotto, Sen. Bong Revilla, Jr., at AiAi delas Alas. Asahan natin na may official entries sila sa filmfest na nagpapasaya sa sambayanang Pilipino tuwing December.

AiAi magbabakasyon ng mahaba-haba

Magbabakasyon si AiAi delas Alas sa ibang bansa. Ngayon lamang siya magkakaroon ng mahaba-habang bakasyon pagkatapos ng well-publicized na hiwalayan nila ng kanyang future ex-dyowa.

Well-deserved ni AiAi ang kanyang bakasyon dahil masahol pa sa kuwento ng isang maaksiyon na pelikula ang pinagdaanan niya. Nag-file na kaya siya ng divorce?

Aktres nahuli sa aktong may kasamang iba ng karelasyong aktor

Isang masamang bisyo pala ang dahilan kaya naghiwalay ang showbiz couple na discreet na discreet ang relasyon.

Caught in the act ang aktres ng kanyang boyfriend na aktor. To top it all, may ibang mhin na kasama ang aktres habang isinasakatuparan nito ang pangit na bisyo. Natauhan ang aktor dahil walang kapatawaran ang ginawa ng kanyang dyowa. Hindi siya nag-second thought na hiwalayan ang aktres na shocked na shocked dahil confident ito na hindi magagawa ng boyfriend na iwanan siya.

Tuliro ngayon ang aktres at parang nakalutang. Windang na windang siya sa nangyari at ngayon niya na-realize na ang aktor ang kanyang tunay na mahal.