Kun polos paryente, lisod

CEBU, Philippines - Tuod uy, mga yadzz duna pa diay ko’y nailhang laing hugyaw nga gihinganlan pod og Jessica. As a matter of fact, I would like to think nga siya’y kinahugyawan sa tanan, si maam Jessica Avila, wife of Philippine Star and The Freeman columnist sir Bobit Avila. Kamong wa makaila niya, dili mo makatuong siya’y kinahugyawan sa tanang Jessica nga akong nailhan. Pero kaming nakaila niya ug sa iyang kapikas sa kinabuhi ug sakop sa banay, moingon gyod nga si maam Jessica Avila ang kinakusgan sa tanang Jessica nga akong nahisgotan. Katunga ra god sa General Maxilom, sila’y tag-iya, wa  pay labot sa building gigamit sa usa ka shopping center ug uban pa. Ana ra god. Speaking of kinakusgan, pero before anything else una, salamat jud kaayo sa usa sa labing maanyag ug hugyaw nga singer-actress Baby Condeno. Nga mikanta gyod nga WAY BAYAD sa among pyesta, atol sa koronasyon sa napili namong Miss URASE ug Miss Earth ug Mr. Earth. Pero mao lagi. Kun polos mga paryente ang modaog, lisod gyod. Imagine god, ang napiling Miss URASE ug Miss Earth polos mga apo ni anhing Danny Relatado, Sr.  Si Franz Cassandra Relatado Ontine, napiling Miss URASI. Si Angel Diada Relatado maoy napiling Miss Earth. Ang hugyaw’ng kinugos nilang Roger Serna ug Vice Mayor –elect Edgar Labella nga si Danzel Mark Diada Relatado, maoy napiling Mr. Earth! Napili siya, tungod kay siya’y nakalahutay’g tubag sa tanang mga pangutana about Mr. Earth and the surroundings. Ang ubang gipik-ap at random, first question pa lang, nanibog na! Ug unya, pagka ugma, ang mga performers pod, polos mga paryente! Sila’s Nica Espinosa ug Donna Belle Espinosa Cabaque. Naglisod ko’g awhag sa audience sa pagpakpak, kay ma Good Morning To Myself ko!