Weekend Markets bibisitahin ng Pop Talk

MANILA, Philippines - Usong-uso sa mga urban dweller na foodies at shopaholics ang bumisita sa mga weekend market. Para sa marami, stress-buster daw ito pagkatapos ng isang linggong pagtatrabaho. Kaya naman naglibot ang Pop Talk at bumisita sa tatlong weekend markets para makiusyoso at rebyuhin na rin!

Ang Mezza Norte sa may Trinoma sa Quezon City ang pinakabagong puntahan ngayon samantalang binabalik-balikan naman ng mga parukyano ang Legazpi Sunday Market sa Legazpi Village sa Makati City para sa mga unique  nitong paninda, at maging ang Sidcor Sunday Market sa Eton Centris compound sa Quezon City.

Makakasama ng host na si Tonipet Gaba sa pagrerebyu ang food at lifestyle blogger ng lifeiskulayful.net na si Kathy Kenny Ngo, ang full-time mom at part-time makeup artist  na si Joyce Chua,  at ang celebrity reviewer na Kapuso singer at batikang stage actor na si Gian Magdangal. 

Sama ka  na sa stress-free shopping ngayong Martes sa Pop Talk: Weekend Markets, 10:00 PM sa GMA NewsTV.