Kutob ra sa sorry?

CEBU, Philippines - VATSKI: Maayong adlaw,Gar, ug sa tanang mga loyalista sa Banatanay! I hope nagmalipayon ang tanan rong adlawa despite the fact nga ting-klase na usab. Hehe! Pero sure ko ang mga bagets ray naguol ron kay sayo napud momata. Hahaha! Speaking of guol, daghan wala malipay, Gar, sa joke ni Vice Ganda about sa lawas ni Jessica Soho. Kahibaw man gyud ta nga tambok ni's Jessica no, apan dili gyud sakto nga bugal-bugalan ni. Wala’y tawo, madako o magamay iyang position sa iyang komunidad, ang pwedeng bugal-bugalan para lang sa kalipay sa uban. Sakit na uy, hilabi na nga sensitive na'ng word nga rape, nga maoy gigamit ni Vice Ganda. Nangayo na og pasaylo si Vice kang Jessica pero mura's hilawan ra ko. Naay kuwang, ang sensiridad ni Vice. Matud pa, dili man ta gud kuno mangayo og pasaylo si Vice kay joke gud kuno to, apan napugos lang siya kay daghan naman ang wa ganahi sa nahitabo. Sa tinuod lang, nagkaarogante na gyud ning si Vice, mura na sa’g si Willie Revillame. Kung ako pa’s ABS-CBN, either sila’y mangayo og despensa for Vice or i-sanction ni nila, kay naka-offend gud og tawo or mga tawo. Kung dili gyud ni mamatay nga issue this week I think mao na dapat buhaton sa network kay basin mao ra pud nay kabagsakan sa ilang talent.

GARRY: Kumusta mga BANATanay readers. Natapus na ang 2013 elections ug hinaot pa unta naka-move on nakita ug isalikway na nato ang atong HANG-OVER gikan sa election. Let's move on and set aside politics.

Apan, human sa mainit nga election, nagpusot-pusot ang komentaryo kahabin sa issue tali nilang Jessica Soho ug Vice Ganda. Nangayo naman si Vice og pasaylo ngadto kang Jessica ug gidawat ang maong pasaylo. Kung sinsero ba or dili, let's leave it that way. Unya, why sanction Vice Ganda for his action on a comedy issue? Vatski, it’s a comedy bar nga in a big venue. If nakasulod mo og comedy bar, sobra pa ang komedya.

Miingon na si Jessica Soho nga ang issue is not about me but the issue is about rape. Sakto si Jessica, wala man siya pikon. Remember - Pooh, Pokwang, K-Brosas and Chocolate? Nag-concert silang upat unya ang ilang gipang-spoof ang mga politiko - of course, wala ma'y nasuko kay it's only a spoof and a comedy. What is there to be pikon and to be sensitive, Vatski? 

VATSKI: Molaban gyud ka’g ABS, Gar, kay Kapamilya biya ka. Pero if you only open your heart, bation nimo ang gibati ni Jessica ug sa mga rape victims makaingun ka: "bitaw no, nakasa gyud si Vice Ganda." Simple ra man na, magpaubos sila, modaghan pa ilang supporters. Pero I doubt ABS will do that, hasta si Vice. Puro biya sila dagko’g ulo. Pero trust me, Gar, kung magpadayun na’s Vice sa iyang ka-arogante, mayabo gyud na siya. Mokatawa gyud ko ba!

GARRY:  People, please be reminded that GMA's beloved Bubble Gang had also made the rape topic as their theme before pero mi-raise ba og violent reactions? (Years and years ago na nang Bubble Gang clip nga nag-circulate Gar, dili na bag-o..ed). No.

Tinuod, Vatski, teasing, bisan sa school, should never be tolerated. Lagi, si Vice mi-publicly insulted Jessica ug he publicly said he's sorry. Siguro, it's best time to leave this issue between Jessica ug Vice. Whether mag-reconcile sila, dili na na public concern.

Kung ako'y pasulti-on, ang tawo mangayo na og pasaylo, pwes, pasaylo-on.

Pangutana: May mga namahayag nga angayang mangayo pud og pasaylo ang ABS-CBN sanglit bisan og dili sila maoy producer sa concert dayag kaayo nga mismong si Ms. Charo Santos Concio, CEO ug Presidente sa network, labihang nakakatawa sa joke ni Vice Ganda. May mga miingon pa gani nga dili ra kutob didto sa pagpangayo og pasaylo ni Vice matapos ang isyu, angayan matud pa siya’ng ikiha gumikan sa pagbugal-bugal niya sa usa ka sensitibo nga hisgutan ug krimen nga mao ang rape. Unsay inyong reaksyon? Palihug tubaga lamang ang pangutana, ayaw paghimo og imong topic, aron mamantala kana. Ipadala kana, dungan sa imong ngalan ug address ngadto sa : 0917-904-7513. Kutob lamang karong tingpaniudto ,(12 noon, June 3), ang pagdawat nato sa inyong mga mensahe, busa text, text, text na!