Kahit 6 years old pa lang, Bimby may girlfriend na, Kris walang tutol!

Hati ang mga reaksiyon sa pagsasabi ni Kris Aquino na sa edad na anim na taon ay may girlfriend na ang bunso niyang si Baby James o Bimby. 

’Yung kalahati ay nagsasabi na dapat ay hindi ini-encourage ng presidential sister ang pakikipag-boyfriend-girlfriend ng kanyang anak sa isang girlf from Texas, USA at sa halip  ay hikayatin itong ma­ging friends na lamang ng girl. Ito rin ang sinabi ni Bimby nang makita ito sa show ng ina na kung sa­an ay sinabi ni Kris na nakaalis na papuntang Texas ang girlfriend ng anak na kinorek nito at si­nabing friend lamang niya. Ang kalahati naman ay naniniwalang walang masama sa ginagawa ni Kris at enjoy lamang sa maagang pakikipagkaibi­gan ng anak sa opposite sex.

 Ako rin ay naniniwalang bagama’t sinasabi ni Kris na tama ang values na natututunan ng kanyang anak sa pag-i-stick to one girl , dapat ay hindi niya ini-encourage ang maagang pakikipagrelas­yon nito. Tama ng may female friend ito pero hindi pa niya dapat na ituring na girlfriend ang kaibigan.

Melanie Marquez hindi makaalis ng rancho

Hindi mo masisisi na kumuha ng bagong endorser ang New Placenta. Ang napakatagal na at pinagkakatiwalaan nilang endorser na si former Miss International Melanie Marquez ay lubhang abala sa kanilang rancho ng kanyang asawa sa US sa Amerika at sa pag-aasikaso din ng kanyang asawa’t mga anak kung kaya bihira na itong makaluwas para tumulong sa promosyon ng whitening soap na matagal na niyang iniendorso para sa Psalmstre Enterprises, Inc., pag-aari ni G. Jim Acosta, kung kaya kinailangan na nitong kumuha ng bagong image model na makatutulong para sa promosyon ng mga New Placenta product lalo na ang sabon nito na nilagyan ng Advanced Placenta Care Formula na mas nakakaputi at nakaka-moisturize ng balat.

Kinuhang bagong endorser at image model ng New Placenta ang reig­ning Miss Earth-Air 2012 na si Stephany Stefanowitz, isinilang at lumaki sa ating bansa pero may dugong Aleman mula sa kanyang ama.

Kasabay ng pagpapakilala kay Stephany sa media ay ang paglulunsad din ng New Placenta  with Advanced Placenta Care Formula na binigyan ng bonggang, bonggang launching sa napaka-sosing lugar na Club Mwah, isang entertainment venue sa Mandaluyong City na kilala sa kanilang mga Las Vegas-inspired production na ginagampanan ng Follies de Mwah.

Ang event ay dinaluhan ng mga local at international  business partners ng Psalmstre at traders na bumiyahe pa ng Pilipinas para lamang sa okasyon. Tulad ni Ahmed Sayed mula sa Jeddah, KSA.

Masaya ang Psalmstre sa tagumpay ng kanilang mga produkto at maging ng kanilang kumpanya na sasampung taon  lamang sa kanilang operasyon pero nakikipagkumpitensiya na sa mga higante sa global market.

Rafael hinihingian ng payo ng mga gustong lumipat sa GMA

Sinabi ni Rafael Rosell na wala siyang pagsisising nadarama sa ginawa niyang paglipat mula sa ABS-CBN hanggang sa GMA. Maganda ang gina­wa niyang pagpapaalam sa mga bossing niya sa iniwang network at magan­da rin ang pag-aalaga na ginagawa sa kanya ng mga tao sa bago niyang tahanan.

Inilagay agad siya sa magagandang palabas at ngayon ay nakatakda siyang pumunta ng Amerika para sa promosyon ng GMA TV at sa Singapore para sa taping ng bago niyang seryeng Maghihintay Pa Rin kasama sina Bian­ca King at Dion Ignacio sa direksiyon ni Gina Alajar. Isa itong serye na magpapamalas sa lahat ng kagalingan ng Norwegian/Filipino actor sa pag-arte.

Dahilan sa matagumpay na pagpapalit niya ng istasyon kung kaya mara­mi ang humihingi ng payo kay Rafael kung paano rin sila makakalipat. Isa na rito si Christian Bautista na ka-Kapuso na rin niya. Inamin ng aktor na hindi pera ang nagtulak sa kanya para magpalit ng istasyon kundi ang pagna­nais na makagawa pa ng mga proyekto na hindi pa niya nagagawa at makapagtrabaho kasama ang mga artista na hindi pa niya nakakatrabaho at nakikilala.