Ai Ai vs. Jed!

CEBU, Philippines - VATSKI: Maayong adlaw, Gar, ug sa tanang mga loyalista sa Banatanay! Nibalik na gyud ta, Gar, after two weeks nga pahuway. Hahaha! Bitaw, daghan kaayong issues ang milugwa sa mga milabayng mga adlaw nga nakapakugang sa katawhan. Ug usa na niini ang shocking kaayo nga balita sa kalit nga pagkabungkag sa relasyon ni Ai-ai delas Alas ug Jed Salang.  Mahinumduman nato nga niadto lang miaging buwan gikasal ang duruha unya karon, buwag na. Shocking di ba? And syempre best in hilak si Ai-ai kay lagi kulatado diay siya sa iyang bana. Mura’g ana gyud na ang kasagaran nga scenario kung magdali-dali, Gar, kanang dili gyud nimu siguraduhon ba kung mao na gyud na’ng tawhana imong pakaslan. Bisa’g moingun pa ta nga sobra sa usa ka tuig na sila nga nagkaila, pero lahi gyud kung magkuyog namo sa usa ka panimalay, kay makita naman na nimo ang tinud-anay nga kinaiya sa usa ka tawo. Kini sang si Ai-ai excited kaayo nga makabana, gadahum nga mada sa iyang kwarta ang laki.

Klaro naman gud nga ang iya rang kwarta ang giapas aning Jed niya, so sa dihang dili diay siya mohatag, kulata dayun. Pero dili nato ma-blame si Ai-ai kay lagi she’s not getting any younger and she needs love pud sama ni Ryan Mark (Ahahaha! Pakkk..Ryan Mark). So, paminaw niya nga naay willing nga mohigugma niya ‘till the end, niambak dayun ang mujer. Pareha gyud ni’g kapalaran si Ai-ai ug sa iyang friendship nga si Kris Aquino, nga malas gyud sa lovelife. Kay lagi, dili gyud nimo makuha ang right person kung dali-dalion nimo. Hopefully, makakita gyud ni’g tarong nga laki si Ai-ai puhon.

GARRY: Kumusta mga BANATanay readers. Human sa piniliay, I think, Vatski, it’s time to move on. I beg to disagree Vatski nga naay giapas si Jed ngadto ni Ai Ai. Kay sa ngalan nga sikat si Ai Ai, she refused to see all the signs and went ahead with the marriage for the sake of Instagram postings.

Daghan na man intawon naagi-an og relasyon si Ai Ai, naa na siyaý tulo ka mga anak. She should have learned her lessons from there pero unsa man iyang gibuhat? Few days of knowing Jed,  pakasal dayon.. Agad-agad.

Dili gyud fair nga atong ibasol ngadto tanan ni Jed, dili ba daghan na siya og relasyon unya nganong magkabuwag man gyud? Dili kaha naa niya ang problema, sama ni Kris Aquino?

VATSKI: Obvious man kaayo, Gar, uy nga sapi ra gyud ni Ai-ai ang gipakaslan ni Jed, suma bukbok ang show sa dihang wala ni hatagi og pang-casino. And bisan og maka-blame pud tang Ai sa pagsawom dayun, pero excited ra pud kaayo ning si Jed nga manghuthot. Dili biya lalim ang trabaho sa usa ka artista, kanang kuwang sa tug pirmi kay left and right ang shooting. Unya waldason lang sa usa ka laki. Huuuuy dili gyud na fair. So pakpak gyud ka’ng Ai nga abtik kaayo nga nipalag, bahala na og naigo sa kulata. Kay og iya ra ning gihilum, hoping nga mausab niya iyang bana, aw kulatado gyud siya kay imposible nimo mapahigugma ang tawo nga from the start kwarta ra gyud ang giapas.

GARRY: At least, sometimes kinahanglan man sab nga mo-listen siya sa iyang friends ug family who really care for her. Naa taý makuha nga lesson ani kang Ai Ai. Dapat makuntento ta ug dili ta magdali nga magka-uyab, tan-awa si Ai-ai, dili pwde mabuhi kung walaý lalaki. Kinahanglan ato unang tun-an ug istudyohan ang tanan kung wala ra ba ta gamita niini.  Usa pa sab, older women or men like her or bisan si kinsa diha naa na man gyud na mga insecurities mao na ang hinungdan nga dili successful ang ilang relasyon. In short, magpaabot ta sa right time aron wala taý basulon sa katapusan.

Pangutana: Kang kinsa ka musimpatiya, kang Ai Ai o kang Jed? Ngano man? Ipabuhagay ang imong panahon dear hugyawnatics, pinaagi sa pagtext niana dungan sa imong ngalan ug address ngadto sa: 0917-9047513. Kutob lamang  karong 12 noon, May 27, ang pagdawat nato sa inyong mga reaksyon busa go go go text na!