"Bittersweet"

CEBU, Philippines - Usa kagabii nga mamingaw sa newsroom sa Banat News sa milabay nga semana, nakakita ko og Soda Crackers nga nahabilin sa usa sa mga cubicles. Kay nahugyaw ko, akong gihulagwayan ug gi-post sa Facebook. Nahugyaw ko kay taod-taod na nga wala ko makakita ug makakaon og soda crackers, ang biscuit nga nahimong kabahin sa akong pagkabata kaniadto sa Pilar, Camotes sanglit sa mga espesyal nga higayon ra man ko makakaon niini. Pakk!

Yes, pabawnan ko sa akong mga ginikanan niining maong biscuit basta major examination sa akong elementary years---first, second, third, fourth grading respectively ug division test. Unya paresan og softdrink. That was because for us nga financially-challenged, mahal na na nga biscuit that's why pang special occasion ra gyud. Yes, we were really financially-challenged nga miabot gani sa punto nga giingnan mi sa usa ka tag-iya sa tindahan nga " credit is good but we need cash," ug sa lain pa gyung tindahan, wala sa mi pautanga kay taas na kuno kaayo ang listahan. Hay!

Yeah it's true. Komento ni Fr. Charles "Chacha" Jayme (of Sto. Rosario Parish/ escort ni San Pedro Calungsod/ grand winner sa 2013 Cebu Popular Music Festival), sa maong Facebook post nako mao nga "bittersweet" reunion matud pa. Yes I agree. Happy ko nga karon nga maka afford na ko mupalit og daghan, karon nga dili na kinahanglan nga mag-una siya sa bali sa utang, naa gihapon siya. Kumbaga me and the crackers survived the test of times! Pakpak!

Happy ko nga bisan sa ka moderno na sa panahon karon, sa kadaghan nang mga pagkaon nga produkto sa science nga bisa'g unsa na lang nga claim nga kesyo "healthy," ang crackers sa akong gahapon nagpabilin hangtud karon. Actually, dili ra ang maong crackers ang pagkaon nga magpahinumdom kanako sa akong kagahapon sanglit aduna pa man gihapon ang Curly Tops ug Cheese Curls. Yes, bisan nag-diet ko, mukaon gihapon ko ani nga chocolate ug junk food sanglit kaniadto, kun ang crackers espesyal, mas pa gyud ang curly tops ug cheese curls sanglit kinahanglan pa gyud mi motabok paingon sa Ormoc City, Leyte aron makakaon niini. Ug katagsa ra kaayo mi makalarga og Ormoc kaniadto, busa dako kaayo nako'ng kalipay kun makabitbit na ko aning pagkaona inig pauli na namo sa isla. Yes, mao ning mga panahona nga abi nako og dato mi kay makakaon man mi og carenderia nga daghan kaayo og sud-an, only to realize pag-abot diri sa Cebu nga dili diay, kay ang mga adunahan fine dining may tirada ug ang carenderia para sa mga igo-igo ra ang budget. Pakpak!

Indeed, life is beautiful. Maanindot nga palandungon nga ang masakit ug mapait nga kagahapon magpabiling lab-as diha sa atong panumduman sanglit may mga butang man sa kaniadto nga padayong nakig-uban kanato hangtud karon.

Bisan man tuod og nanagko na atong mga bukog, nanambok na kita, nagka edad na kita ug uban pa nga kausaban sa atong lawas ug estado, pabilin natong lab-ason ang atong gigikanan sa wala pa nato mahupti ang unsa man gani nga anaa kanato karon ug atong lingion ang atong giagian paingon sa atong nahimutangan karon. Oh yes there is some sadness to it, especially if dili nindot ang atong kasinatian. But at the same time it's beautiful gumikan kay bisan man tuod og ang atong tagsa-tagsa ka kagahapon masakit, still we succeeded and came out beautiful in the end. Yes, it's bittersweet! Pakpak! 

* * *

Reaksyon? Text me with your name and address sa :0939-131-6599. Kutob lamang karong 12 noon, May 23, ang pagdawat nato sa inyong mga reaksyon. Magdungog gihapon kita sa okRYAN sa dyRC--Radyo Calungsod 648 kHz., 10am to 12noon, Lunes hangtud sa Sabado.

Pangitaa ko sa Facebook: [email protected]