Maging bida ng pagbabago!

MANILA, Philippines - Bawat bata ay may natatagong bida. Sila ang mga susunod na bayani ng ating bayan. Baka ang pagbabagong matagal na nating hinihintay ay matatagpuan pala sa mga musmos na puso at isipan!

Naniniwala ang CBN Asia at The 700 Club Asia na dapat bigyan ng matibay na pundasyon ang ating mga kabataan para lumabas ang kanilang natatagong galing. Kaya naman isang live TV special ang handog ng The 700 Club Asia para sa batang Pilipino ngayong Mayo: Bida ng Pagbabago!

Sa special telecast na ito, sama-sama nating suportahan ang misyon ng CBN Asia na ituro sa bagong henerasyon ang mga magagandang kaugaliang Pilipino at mga aral sa Bibliya na unti-unti nang nawawala kasabay ng pagdami ng mga palabas na hindi mabuting impluwensiya sa mga bata.

Tampok din sa Bida ng Pagbabago ang pinakamalaking proyekto ng CBN Asia ngayong 2013: Ang muling pagbabalik ng kinagiliwang Bible cartoons na Superbook, na ngayon ay digitally animated na!

Siguradong mae-enjoy ng bagong henerasyon ang dekalibreng animation at bagong adventures nina Chris, Joy, at Gizmo sa loob ng bagong Superbook. Excited na rin ang CBN Asia na gawing instrumento ng pagbabago ang bawat Superbook episode para ilabas ang kabayanihan ng bawat tsikiting sa Pilipinas!

Bata, matanda, anak, o magulang ka man, puwede kang maging bida ng pagbabago! Nood na ng live TV special na ito ng The 700 Club Asia, mula Mayo 20 hanggang 24, Lunes hanggang Biyernes, alas-onse ng gabi live sa GMA News TV at via webcast sa www.cbnasia.org.