Charice gitaban ang X-Factor finalist?

CEBU, Philippines - Naukay na pud ang katawhan sa bag-ong kontrobersiya nga giatubang karon sa singer nga si Charice kung diin matud pa nga gitaban niini ang usa sa mga sakop sa girl group nga A.K.A. JAM nga si Alyssa Kate Quiano kinsa nahimong finalist niadto nga X-Factor Philippines.

Sa ekslusibo nga report sa  programang  Ang Latest: Updated sa TV 5, adunay  suod ni  Charice ang niatubang sa kamera.

Si Alyssa matud pa ang uyab karon ni Charice ug mao kini ang “Ayie” nga kanunay hisgutan sa singer sa iyang mga tweet niadto.

Matud pa sa tinubdan nga nagpaila nga Mike, sa wala pa nikatap ang balita, nakadungog na siya nga nagplano si Charice nga mopalit og balay hangtud naabot niya ang report nga nagpuyo na gyud ang duha.

Apan niadtong  May 8, 2013, nakadawat og text message si Mike gikan sa inahan ni Alyssa .

 â€œMay natanggap nga akong tawag o text na nagpakilalang Liza, mommy daw siya ni Alyssa, at ang sabi, pupunta nga raw siya sa akin at magpapasama.

“Kukunin niya raw anak niya at may kasama raw siyang NBI galing sa main...

“Sabi ko, 'Hindi ako makakasama diyan kasi yung pupuntahan natin e relatives ko 'yan, hindi iba sa akin yun. Ayokong madamay sa gulo at ayoko mapagbintangan na…

“'Ituturo ko na lang sa inyo kung nasaan yung bahay,” saysay pa ni Mike ngadto sa nahisgutang talk show sa TV 5.

Pagkagabii sa nahisgutang petsa, nihatag og update kaniya ang inahan ni Alyssa ug nagpasalamat kaniya gumikan kay nabawi na niya ang iyang anak.  Sa pagsuwat niining balitaa, padayon nga nagpakahilom si Charice sa maong isyu.

Paulo gipalayas ni LJ?

Miulbo ang balita nga nibiya na matud pa si Paulo Avelino sa balay nga giistaran nila ni LJ Reyes gumikan sa pagsige nila og lalis. Tak-om lang ang baba ni Paulo sa maong isyu.

Usa ka serye na lang

Gibutyag ni Alfred Vargas nga posibleng usa na lang ka teleserye matag tuig ang iyang mabuhat gumikan kay ma-busy na usab siya pagpanday og balaod. Si Alfred maoy nakadaug pagka-kongresista sa ikalimang distrito sa Quezon.

Nagsagop ni Angelica mipanaw

Mipanaw na ang giila nga inahan ni  Angelica Panganiban busa nagbangotan pag-ayo ang aktres gumikan kay mao kini ang nagsagop kaniya.”Thank you for adopting me and giving me a family. I love you mommy," suma pa ni Angelica.

Kathryn nakulbaan sa direktor

Gikulbaan na si  Kathryn Bernardo sa  upcoming series nila ni  Daniel Padilla nga  “Got to Believe” gumikan kay si Cathy Garcia Molina maoy direktor niini. “Nakakapanibago pero excited ako talaga kasi isa siya sa magagaling na director natin,” matud  pa ni Kathryn ngadto sa ABS-CBN News.

Wala mangulitawo

Gihimakak sa young actor  nga si Julian Estrada ang taho nga matud pa gipanguyaban na niya  ang kauban niya sa  Star Magic 2013 nga si  Julia Barretto. Matud pa ni Julian nga bata pa kaayo silang duha busa dili sayon ang pagsulod dayon sa maong butang.

Bisan asa motrabaho

Target ni Rufa Mae Quinto nga makatrabaho ang mga artista sa nagkadaiyang network busa kanunay siya modawat og projects basta dili lang ma-conflict sa uban niya nga skedyul.  

Nakadaug

Puros nakadaug pagka-konsehal sa Parañaque sila si Alma Moreno ug Roselle Nava. Gipaneguro sa duha nga mobuhat sa ilang responsibilidad bisan pa man nga puros sila artista.

“I shall return”

Nakadawat na si Annabelle Rama sa iyang kapildihan sa pagdagan niya pagka-kongresista sa Cebu City- north district apan hirit pa niya, “I shall return. ‘Di pa tapos ang aking adhikain.”

Partner ni Nadia naparot

Wala madayon ang pangandoy ni Nadia Montenegro nga mahimong first lady sa Caloocan City gumikan kay napilde ang iyang  long-time partner nga si Macario Asistio, Jr.

Segurado na

Suma pa sa kampo ni Lovi Poe nga segurado na gyud nga madayon sulod karong semanaha ang pag-renew niya sa  GMA 7. Wala magpadala ang aktres sa dakong offer sa TV 5.

Rayver gidedma ni Sarah

Mopahiyom kanunay si Rayver Cruz kung masugatan niya ang kanhi espesyal nga babaye sa iyang kinabuhi nga si Sarah Geronimo. Kutob lang ang aktor sa pagpahiyom apan dili gyud makig-istorya kaniya ang singer.

Dumot ang peg

Wala pa’y plano si Bella Padilla nga tinggan si Marian Rivera  ug mapasalamaton siya gumikan kay wala pa gyud sila nagkasugat. 

Gwen hadlok mamemohan

Naglikay si Gwen Zamora nga masusama kang Geoff Eigennman  kinsa nakadawat og “fat” sa GMA management. Suma pa ni Gwen nga iyaha gyud nga ipahamtang sa iyang kaugalingon ang disiplina sa pagkaon.

Wowie busy sa negosyo

Busy si  Wowie de Guzman sa iyang negosyo  busa limitado lang ang dawaton niya nga mga proyekto sa showbiz. Dili pa lang dugay, ni-guest ang aktor sa seryeng Little Champ.

Heart naghudyaka

Nagmaya pag-ayo si Heart Evangelista gumikan sa kadaugan sa iyang uyab nga si  Sen. Chiz Escudero.Matud pa ni Heart nga nagpasabot kini nga wala naapektohan si Chiz sa mga negatibong isyu batok niini.

Stef lima ka buwan  na nga nagsabak

Lima ka buwan na nga nagsabak ang  StarStruck 4 Avenger nga si Stef Prescott ug katapusan siya nga nalantawan sa telebisyon sa Survivor Philippines: Celebrity Doubles Showdown niadtong 2012. Tsika pa ni  Stef  ngadto sa Pep.ph imbes mahadlok sa dihang nasayran niya nga nagsabak siya , mipatigbabaw kaniya ang pagkahinam nga makakita sa bata nga giisip niya nga “blessing”.

“The first thing I did was thank God for such a wonderful blessing.

“Not everyone is given the blessing of having a child. Hindi ako umiyak or natakot. “I knew that everything was going to be alright, and that I just had to live up to what I did,” matud pa ni Stef ngadto sa PEP.

 Usa ka negosyante ang amahan sa gisabak ni Stef  ug dugay na ang ilang relasyon niini.

“I need to give my baby all of my efforts to make his arrival as safe and secure as possible.A wedding will come soon, but not anytime this year,” dugang pa ni Stef.

Gitataw usab niya nga wala siya magmahay sa pagbiya niya sa showbiz gumikan kay andam naman ang iyang kaugalingon nga makabaton og pamilya. “Ang pagiging mommy ang magiging full-time job ko,” dugang pa ni Stef.

Game show ang ihulip  sa Party Pilipinas?

Gihugon-hugon nga usa ka game show ang ihulip sa Party Pilipinas ug 18 na lang matud pa ka celebrities niini.

Suma pa sa report nga game show kini apan dunay production numbers busa daghan ang naglaum nga magpabilin ang mga lig-ong singers sa GMA-7. 

Samtang ang usa sa mga bitoon sa Party Pilipinas nga si Jonalyn Viray nisaysay nga subo kaayo ang maong balita apan masaligon siya nga dili pasagdan sa GMA ang iyang career.

  “Hindi naman po ako pinabayaan ng GMA, hindi po ako nawawalan ng show sa nakaraang walong taon na nakakontrata ako sa kanila,” matud pa ni Jonalyn ngadto sa PEP.

Aga magpabilin showbiz

Gipasalig ni Aga Muhlach nga dili niya biyaan ang showbiz bisan pa man sa iyang pagkadaug isip kongresista sa usa ka distrito sa Camarines Sur. Matud pa ni Aga nga hatagan lang niya og dakong oras ang pag-alagad sa publiko apan mogahin gihapon siya og oras sa iyang showbiz career.

Justin wala mauyoni  sa America

Tungod sa mga negatibong isyu batok kang Justin Bieber, nakaangkon kini og 54 % nga  unfavorable ratings sa  Public Policy Polling nga maoy nag-survey sa pipila ka mga respondents  sa  America.

Ang survey nagpakita nga daghan nga mga nagpuyo sa maong dapit ang dili ganahan kaniya  gumikan kay 20% lang niini ang nakauyon kaniya. Sikit usab kaayo sa maong survey sila si Lady Gaga (50%) ug   Chris Brown (57%) nga wala usab mauyoni sa mga tawo. Samtang ang  paborito sa mga tawo mao sila si  Adele, Taylor Swift, Justin Timberlake ug  Beyoncé gumikan kay positibo nga grado ang gihatag sa mga tawo kanila.

Local stars nagbaha  sa concert ni Jason

Pipila ka mga sikat nga personalidad ang nilantaw sa concert sa international singer nga si Jason Mraz niadtong Martes sa gabii sa Araneta Coliseum. Mao kini ang ikaduhang higayon nga nag-concert si Jason sa Pilipinas busa dako ang iyang pasalamat nga gibahaan gihapon kini sa iyang mga fans.

Nilantaw sila si  Sarah Geronimo, Kaye Abad, Khalil Ramos ug  ang BIR Commissioner nga si Kim Henares.

Samtang special guest ni Jason sa iyang concert ang giila nga "random girl" sa Pilipinas ug YouTube sensation nga si Zendee Rose. Kahinumduman nga nag-concert na dinhi sa Pilipinas si Jason niadtong 2011. Siya maoy nagpasikat sa hit songs nga "Lucky," "The Remedy," "I'm Yours" ug uban pa. (BANAT NEWS)