Party Pilipinas wagtangon?

CEBU, Philippines - Miulbo ang taho sa miaging adlaw nga matud pa nga wagtangon ang    Sunday musical variety show sa GMA-7 nga Party Pilipinas.

Suma pa sa tsika  nga nagplano nga hulipan ang kasagaran nga bitoon sa maong programa apan ipabilin si  Christian Bautista nga bag-ohay lang nahimong Kapuso.

Busa mitumaw ang mga spekulasyon nga usa kini sa mga rason kung nganong mobalhin sa TV 5 ang magtiayong Regine Velasquez ug Ogie Alcasid nga taud-taud na nga nahimong kabahin sa maong programa sa GMA-7. Gikatahong naguol lang si Regine sa iyang mga higala nga posibleng mawad-an og show sa telebisyon.

Kahinumduman nga kapila na kahigayon nga nisuway og  balhin niadto si Regine sa laing istasyon apan napugngan kini sa iyang mother network apan wala pa masayri kung mao usab pa ba kini ang mahitabo karong panahona.