Happy Mother’s Day

Domingo na! BisChika na! Mga sweetKabuntading...Sa tanang Nanay all over the world...Happy Mother’s Day. Sa akong Mama Bingbing nga bisan usahay mosimang ko og gamay naa lang gihapon siya nga mosuporta nako. Mao nga mo bow gyud ko sa akong inahan kay sa panahon nga siya ang nahimong suga ug haligi sa among panimalay  wala gyud mi pasagdi ni Mama Bingbing mao nga sa pagkakarun, gusto nako nga mag-enjoy na pud siya kay BGGB nako! ( Big Gentle Giant Butanding ).

Sigon pa sa akong Partner Ching sa BuenaMano Balita nga dili ana kasayon ang mamahimong nanay mao nga karung adlawa tagaan nato sila og gamay nga pahalipay bisan dili sa materyal nga butang, bisan sa pag-ingon sa imong Mama”Happy Mother’s Day Ma and I love you,” dili kini kabayran og pila man ka milyones.... yeheeeyyyy!

Sama sa usa ka dakong selebrasyon karung adlawa ang inyong Yur’s truly kay abtikay kaayo nilayat sa Moalboal Cebu para sa usa ka imbitasyon, ang pag-host sa Dao Got Talent Season 2 sa Sitio Dao, Pob.West, Moalboal,Cebu para sa kapistahan ni Santa Cruz. Dili man gyud ko maka say “No” basta Moalboal na ang moimbitar nako as long as pasok sa banga ang schedule...go lang go! Usa ka gabii niadtong May 3, 2013 nga nagbaha og talento sa sayaw, kanta, pakatawa ug sa unang higayon usa ka balak ang akong nadunggan. Ang balak nga hugyaw kaayo para nako labi na gikan sa kasingkasing gyud. Usa lang ang akong nabantayan sa dihang nagtigi ang 12 ka contestants, mismo ang mga taga Sitio Dao gikan sa mga bata hangtud sa mga ginikanan apil na ang mga lola dunay ipakita nga mga talento. Gisugdan ang programa sa usa ka doxology kauban ang mga cute kaayo nga mga Da-o’s Angels. Sa opening production number bonggang bongga nga mga Da-o’s Pride ang nihataw sa ilang quadrangle nga kauban ang mga Mommies ug mga kabatan-onan. Abi nako nga nahuman na ang showcase of talents sa mga taga Da-o kay Hugyaw ang mga contestants. Nasayop ko kay sa dihang nag-tabulate pa sa score, naa na pud ang mga hugyawlicious nga pasundayag sa Da-o’s Gorgeous ( mga medyo edad edaran na nga mga nanay, ang category lola na kay from the root word “gor “ ), naa ang Da-o’ Teeners ( mga bag-ong tubo, not yet a girl, not yet a woman nga peg) dayon wala nagpaulahi ang mga Da-o’s Groovy Moms nga groovy kaayo sa ilang sayaw ug siyempre ang star of the night ang Da-o’s Stars ang mga organizers sa Da-o’s Got Talent. Sakto gyud nga the talent begins with the organizer. Hahahahaha!

 Ang mga mananaug karung tuiga sa Da-o Got Talent Season 2 kay nakadawat og Cash Prize mao silang :

3rd place - Christie Marie Comendo nibirit sa iyang kanta

2nd place - Neophytes Dancers nga buwis buhay nga sayaw

1st place - Rare Jammers Dancers nga pa cute ang drama mintras nagsayaw.

Ako magpasalamat ko ni Maam Charmaine Pableo Antecristo nga siya ang nihatag og #hashtag nga #adopted daughter of Moalboal ( Hugyaw ra ! )

Salamat usab nilang Janice Tampus, Joy Rendon Redido ( hapit na magbirthday,hehehehe ) Junjun Tarongoy, Msgr. Marnell S. Mejia, Rev.Fr. Marion S. Mejia, Board Member Willy Caminero ug Board Member Peter Calderon. Sa mga sponsors atong gabhiuna manghinaut ang inyong Sweet Butanding nga magkitakita na pud kita sa Da-o Got Talent Season 3.  Sa makausa pa, Daghang Salamat Moalboal dili gyud ko mapul-an pagbalikbalik para sud-ungon ang kanindot! Mo-adto nako babooooooooo! Lab you all!

Aduna ba kamo’y ka lookalike nga celebrity? Ma local o maforeign? Adunay talento sa pagkanta, sayaw ug aktingan? Basin ikaw na ang makalangkat sa P10,000 para sa unang ganti. Kung imong tubag “YES” pwes kontaka na si ang ambungan ug talented Eduard sa numero 09176290957 o 09176291075 para sa dugang detalye.  Apil na!