'Iron Man 3' naka-P500M na
CEBU, Philippines - Miabot na ngadto sa kapin sa P500M ang kita sa pelikulang “Iron Man†sa duha pa lang ka semana nga pagpasalida niini sa mga sinehan dinhi sa Pilipinas. Suma pa sa Box Office Mojo, ang maong pelikula nga gibidahan ni Robert Downey Jr. nidominar sa local box office, ug mayoridad sa mga sinehan ang nagpasalida niini. Kahinumduman nga sa unang adlaw sa mga sinehan, nikita ang Iron Man 3 og P62.6 million niadtong April 24.
Eugene mihulip kang Kris
Naghinam-hinam na pag-ayo si Eugene Dominggo sa umaabot niya nga pelikula nga Mga Kuwentong Barbero.
Si Jun Lana maoy direktor niini ug nasayran nga si Kris Aquino maoy una nga gitanyagan sa karakter nga dalhon ni Eugene.
Gibalibaran kini ni Kris gumikan kay gikinahanglan nga magpa-opaw ug dunay kissing scene sa susama niya nga babaye.
Samtang dalhon ni Eugene ang papel sa usa ka babaye nga maisogung nibalda sa mga diskriminasyon.
“Napakatapang ng pelikulang ito, at ito ay minsan lang darating, at least ang artistang katulad ko ay mabigyan at mapagkatiwalaan ng papel ni Marilou dito sa Kuwentong Barbero kaya nagpapasalamat ako na napasama ako,†tsika pa ni Eugene ngadto sa programang Ang Latest sa TV5 kagabii. Nalipay pag-ayo si Eugene gumikan una niya nga higayon nga iyang makatrabaho si Direk Jun nga maoy nagpaluyo sa indie film nga Bwakaw.
- Latest
