Paulo “attitude“ Avelino?

VATSKI:  Maayong adlaw, Gar, ug sa tanang mga loyalista sa Banatanay! Ug sa dihang, usa nalang ka semana, piniliay na gyud. Busa mga kahigalaan, gawas mo’s inyung mga lungga ug botar gyud. Ang dili mobotar, aw ayaw lang unya mo og reklamo kung bati inyung mga senador, mayor, bise mayor ug uban pa. Importante gyud ang manginlabot, diba, Konsehal Garry Lao?

Anyway, speaking of manginlabot, naunsa naman ni’ng si Paulo Avelino, Gar? Feeling nako wala na siya nanginlabot sa anak nila ni LJ Reyes. Nakaingun ko ana kay dili naman kuno ni siya motubag kung pangutan-on sa mga reporter. Gani sa recent interview niya, gipa-delete gyud sa iyang road manager ang recording sa maong interview diin gipangutana siya kabahin sa iyang 4-anyos nga anak.

Sa una kuno game ra man kaayo ni’ng si Paulo kung pangutan-on, katong GMA 7 pa ngali siya ato, pero karon nga panag-iya na siya sa ABS-CBN, nag-attitude problem na ang kanahan! Ngano kaha? Dili siguro gustong mahisgutan ang name ni LJ Reyes nga klaro pa’ng Kapuso star? Style man na’s ABS-CBN, klariks kaayo. Apan, sa nahitabo, mura’g na-bad shot si Paulo sa mga taga media, kay pwede diay na nga manduan nimo sila nga ayaw suwata or papasa ang na-record na nga interview? Unsa ka, Paulo, tag-iya aning mga tawhana? Bisan pa og imong road manager pa’y nagsugo ana, diha biya ka, Dong! Ayaw’g gara-gara diha, kay daghan na’ng mga artista nga wala nay career ron tungod sa problema sa attitude.

GARRY : Yes, one-week nalang ug piniliay na gyud. Padayonon Jud nato og awhag atong mga kaigso-onan nga pilia intawon ang mga kandidatong tan-aw ninyong makahatag og kaangayan para sa kalambuan sa atong nasud ug siyudad.

Pwes, The Freeman copy editor Emmy Lucena, ayaw sige'g atubang anang Sir Chef sa Be Careful With My Heart, aron dili mo mag-away sa imong bana. Unya ilisdi intawon na imong screen saver aron dili ka maawayan sa imong original Sir Chef. Maayo kay nauli-an sa iyang chocolate peace offering.

So, unsa man big deal ana dili motubag sa maong pangutana? Demolition job, nag-start na. Brace yourself Paolo Avelino. In short, OA ra kaayo pud ning uban kung dili tubagon ang private questions, masuko. Sa tagalog pa, makakasama ba sa mga reporter ang hindi pagsagot ng ini-interview sa tanong nila?  Gone are the days nga private life sa mga artista like Gloria R, Eddie Garcia.

Unya maayo man sab ang relasyon nilang Paulo sa iyang pamilya. Hilom ug nindot ang iyang career. I think, Vatski, it suits him nga dili napagahisgutan. These reporters need to stop crying foul.

VATSKI: Dili man sab sa mangintriga ra ang mga reporter, Gar. Part biya gyud na’s showbiz ha nga pangutan-on ang artista sa iyang personal life. Kay ang-ang og magsige lang og salida o career ang hisgutan. Adto gyud usahay sa personal life sa artista panagsa, kay naa man gud diha ang nindot. Ngano diay og ingnun ni Paulo nga okay sila sa ilang anak bahala’g dili sila okay ni LJ. Pero tuod, basin dili gyud sila okay sa iyang baby, basin iya na ni’ng gisalikway maong dili siya ganahan motubag kay ayo kung mamakak siya singkahan siyang LJ, kay wala diay siya’y suporta sa ilang anak. Unya para dili siya mahug nga bakakon, dili nalang motubag sa pangutana. Pait! Pero ang mas nakabati, nga miulbo gyud ang kaspa ni Ryan Mark, mao ang hilason nga road manager ni Paulo. Huy dili gyud na mo-work diri sa Cebu.

Garry: I think wala namang problem kay Paulo yung question, sabi nga he used to be very open on talking about his son and love life. Unya gi-build up intawon na siya isip leading man. Unsa man dautan niana ipa-off record ang na-record nga statement? Dili man siguro bastos nga ipa-off the record nato, di ba? Sikat naman gyud si Paulo ilabi na nga naa na siya sa ABS. Unya daghan kaayong gusto mosawsaw ilabi na ang taga-press nga dutdot kaayo sa Kapuso station. Ilang gustong mahisgutan pud ilang starlet at the expense ni Paulo. Unfair pud.

Pangutana: Karon nga magsungag na og 30 minutos ang Be Careful ug Eat Bulaga, hain may imong unahon gyud pagtan-aw ug ngano man? Itext ang imong reaksyon, dungan sa imong ngalan ug address ngadto sa: 09179047513. Kutob lamang sa 12 noon karon adlawa, March 6, ang pagdawat nato sa inyong mga mensahe busa go go go na!