Hindi pa man nag-iinit ang viewers: Aljur pinatay agad sa Indio!

Napaka-ikli naman ng naging exposure ni Aljur Abrenica sa Indio. Hindi pa man nasasanay ang manonood na mapanood siya sa nasabing serye ay babu na siya, pinatay na siya!

Sana man daw kahit sasandali ay inextend siya. Hindi naman daw siguro nakakaapekto sa serye ‘yun at maski raw siguro si Aljur ay naiksian sa role niya.

Pero ano ang magagawa n’yo, guest lang siya at hindi nagtatagal sa isang series ang mga guest.

Pagli-link kina Kris at Direk Lino, pilit lang!

Talagang ayaw pumayag ng mga nasa likod ni Kris Aquino na masabing taga-kampanya lang si Kris ng kandidato para congressman na si Lino Cayetano. Talagang kailangang gawan sila ng romansa, gayung walang-wala sa isip ng direktor sa TV na magka-gf ngayon. Ang dami-dami nga namang naging girlfriend ni Direk Lino (Bianca Gonzales, Liz Uy at KC Concepcion) pero nauwi lahat sa hiwalayan dahil sa mas may prayoridad siya kaysa pagkakaroon ng lovelife. Baka kapag naging congressman siya kaila­nganin niya ng first lady.

Sen. Chiz nakakakilig ang mga papuri kay Heart

Walang sinasabing hindi maganda ang senatoriable reelectionist na si Chiz Escudero kung kaya matapos bumaba ang kanyang popularidad ay nasa upswing na naman ito. At nakakakilig ‘yung  papuri niya kay Heart Evangelista na sinasabi niyang hindi nagbigay sa kanya ng problema ang karelasyon. ‘Yung mga bibiyenanin niya oo pero, si Heart never daw! Pinakahihintay ng mga sumusubaybay sa romansa nila ang pagpapakasal nila. Kailan naman ba kaya ito magaganap?