Pinoy YouTube sensation giimbitar ni Ellen

CEBU, Philippines - Giimbitar  sa sikat nga TV host sa Amerika  nga si  Ellen DeGeneres  nga mo-guest sa iyang show ang young Filipino aspiring singer nga si Aldrich Lloyd Talonding nga taga  Barangay Labangal, General Santos City. Kini gumikan kay nalantawan sa sikat nga American TV host ang video samtang gikanta niya ang  "Dance With My Father"  nga giduyogan  sa iyang ig-agaw nga si James Walter Bucong.

Sa  episode sa maong programa niadtong Martes, gipakita ni Ellen ang short clip sa viral video ni Aldrich.

"Last week, I saw a video of this young man, he’s from the Philippines and you gotta see this kid, amazing," lenggua pa ni  Ellen kalabot  sa video ni Aldrich.

Dugang pa ni Ellen, "How beautiful is that? Such soul in that little boy so I'm looking for you. Please come here and sing to me and all of my friends here. You're amazing."

Gumikan sa komento ni  Ellen, nadungagan  ang hits sa  viral video ni Aldrich ug sa iyang ig-agaw nga guitarist.

Sa  website  usab ni  Ellen, nagtangag  usab  ang video ni Aldrich nga nagkanayon, "This amazing web video surfaced from the Philippines, and Ellen was blown away by this young man's moving performance. Check it out!"

Si Aldrich ang ika-upat nga Filipino aspiring singer nga giimbitar  ni Ellen nga mo-perform sa iyang  show. Kahinumduman nga naka-guest na sa show ni Ellen sila si  Charice Pempengco, Rhap Salazar, ug Zendee Rose Tenerefe.

Zendee special guest  sa concert ni Jason Mraz

Special guest  sa concert ni Jason Mraz dinhi sa Pilipinas ang Pinay YouTube sensation nga si  Zendee Rose Tenerefe.

Naghinam-hinam na pag-ayo ang  Pinay singer nga makakita kang Jason ilabi na nga mahitabo  na ang konsyerto karong  May 14 sa Araneta Coliseum. Si Zendee Rose maoy giila nga  "random girl" sa  Pilipinas kinsa nailhan pag-ayo sa tibuok kalibutan gumikan sa pag-awit niya og  "And I Am Telling You I'm Not Going"  sa mall. Samtang gipadayag ni Zendee nga dili basta-basta si Jason gumikan kay mao kini ang nagpasikat sa mga awit  sama sa  "Lucky," "The Remedy," "I'm Yours" ug uban pa.

Gi-release na usab ang debut album ni Zendee nga "I Believe"  nga gilangkoban og unom ka original songs. Aduna pud kini tulo ka cover songs nga naglangkob sa  "Hallelujah," "Go The Distance," "Runaway," ug "The Ones You Love." (Sanden J. Anadia)

JC mobiya sa TV 5?

Nakuryoso ang kadaghanan sa gipadayag ni JC de Vera nga matud pa aduna siya’y ianunsyo karong Hunyo. Adunay mga nagduda nga posibleng mobiya na ang aktor sa TV 5 karong Hunyo gumikan kay napupos na man ang kontrata niini sa maong istasyon.

Anna Karenina ibalik

Nagplano karon ang GMA-7 nga i-revive ang karaang serye nga Anna Karenina. Mao kini ang TV series nga gibidahan niadto nila ni Antoinette Taus, Sunshine Dizon,Dingdong Dantes ug Polo Ravales.

Mga Basang Sisiw banhawon

Target usab karon sa Kapuso Network nga mogama og TV version sa karaang pelikula niadtong 1981 nga Mga Basang Sisiw . Gibidahan kini niadto nila ni  Janice de Belen, Sheryl Cruz, Julie Vega, ug Niño Muhlach.

Version ni Lovi

Gi-revive ni Lovi Poe ang awit ni Jam Morales nga Even If. Mao kini ang gigamit isip theme song sa pelikulang The Bride and the Lover.

Biboy emosyonal na

Malipayon si  Biboy Ramirez gumikan kay matawag na siya karon isip dramatic actor sukad gihimo niya ang indie film nga In Nomine Matris . Napuno sa emosyon ang kasagaran sa eksena ni  Biboy sa maong indie film.

Katrina ug Hayden nag-abot

Suma pa ni Katrina Halili nga dunay higayon nga nag-uban sila ni Kris Lawrence nga nangaon sa restaurant ug nakit-an nila sa pikas table ang kanhi niya uyab nga si Hayden Kho.  Kever lang si Katrina kung makakita kang Hayden nga maoy gituohan niya nga maoy nagpakatap sa ilang sex video niadto.

Repeat concert gipanawagan

Mihangyo ang fans sa  young star  nga Daniel Padilla nga duna unta’y repeat concert  ang aktor. Nasayran nga nagbaha ang mga tawo nga nanambong sa birthday concert ni Daniel niadtong Martes sa gabii sa Araneta Coliseum.Special guests  ni Daniel naglangkob nila ni  Yeng Constantino, Vice Ganda, ug ang iyang on-screen partner nga si  Kathryn Bernardo.

Albie nagka-mature

Giklaro ni Albie Casiño nga nagka-mature na ang iyang panghuna-huna busa dili na lang puros pa-cute ang level sa iyang kinabuhi karon. Suma pa sa aktor nga kahibalo na siya moanalisar og mga butang.

Paghupot sa career

Gipadayag ni Mark Anthony Fernandez nga kanunay siya magtarong sa iyang trabaho busa  dili gyud siya mahutdan og assignments . Aminado si Mark nga hadlok siya mawad-an og mga proyekto  gumikan kay kung mahitabo kini, nagpasabot nga nahupas na ang maayong abilidad niya sa pag-arte.

Kompetisyon gibasura ni Alden

Tsika pa ni Alden Richards nga wala gyud masulod sa iyang huna-huna ang kompetisyon  bisan pa man sa kadaghang Kapuso stars karong panahona.  Matud pa niya nga dili sila magpalabwanay gumikan kay kauban ra sila og network. (Sanden J. Anadia)

Thy Womb misidlak gihapon

Nakaangkon og mga  nominasyon ang pelikula Thy Womb ni Nora Aunor sa  36th Gawad Urian Awards.  Kini naglangkob sa Best Film, Best Director, Best Actor  alang kang Bembol Roco ug  Best Actress alang kang Nora Aunor.

Career ni Claudine nahagba na?

Misamot matud pa ang problema karon ni Claudine Baretto gumikan kay wala  gyud siya nadawat karon nga mga proyekto bisan pa man nga nagpanikad na siya motrabaho og balik. Dili usab interesado ang ABS-CBN nga kuhaon og balik ang aktres.

Pribado nga seremonya

Gusto nila ni Richard Poon ug Maricar Reyes nga mahimong pribado ang umaabot nila nga kasal kung diin tambongan lang kini sa ilang mga kabanay ug soud nga mga higala.Wala pa kapili ang duha og petsa alang sa pagpaso nila sa altar sa kaminyoon.

Imelda nakahilak sa desisyon

Puwerting hilaka sa  "Jukebox Queen" nga si Imelda Papin  sa dihang gitugtan na siya sa   Commission on Elections (Comelec) nga modagan pagka-kongresista sa Bulacan. Kahinum-duman nga gi-disqualify ang kandidatura ni Imelda sa miaging buwan gumikan sa isyu sa residency ug  miapelar ang singer niini.

Maria Angelica mosulod sa showbiz

Mosulod sa showbiz si Maria Angelica de Leon, ang anak sa celebrity couple nga sila si Christopher de Leon ug Sandy Andolong. Matud pa ni Maria Angelica nga bisan wala siya kadaug sa Bb. Pilipinas, dili gihapon siya  mohunong sa pagsalmot og mga indigay sa kaanyag.(Sanden J. Anadia)