Away ng pamilya Barretto nakakasawa na

SEEN: May sawa factor ang family feud ng mga Barretto dahil paulit-ulit ang kanilang mga away.

SCENE: Nauungkat ang mga sikreto ni Joaquin Barretto dahil sa pagkampi niya sa kapatid na si Gretchen Barretto. Mabigat ang paratang kay Joaquin na suwelduhan siya ni Gretchen kaya ito ang kanyang kinakampihan.

SCENE: Siniguro ng production staff na buung-buong ipalalabas sa GMA 7 ang mensahe ni ABS-CBN President Charo Santos-Concio kay German Moreno.

SEEN: Hindi kilala ng fans si Andrea Torres.

“Sino siya?” ang tanong ng fans na nag-abang sa Resorts World Manila ng mga artista na dumalo sa anniversary show ni German Moreno noong Miyerkules.

SCENE: Mapapanood ngayong gabi sa GMA 7 ang 50 Years with the Master Showman, ang 50th anniversary show ni German Moreno.

SEEN: Hindi na tinatanggap sa mga sinehan ang passes ng It Takes a Man and a Woman dahil sumobra na sa quota ang 300 passes na ipinamahagi ng Star Cinema.

SCENE: Ang report ng Box Office Mojo International sa box office result ng mga pelikula na ipinalabas sa mga sinehan sa Pilipinas noong April 10 hanggang April 14. Third week na ng It Takes a Man and a Woman sa mga sinehan ngunit tinalo pa rin nito ang first week ng Oblivion, ang Hollywood movie ni Tom Cruise.