‘Maraming salamat sa mga tumulong’

Sa lahat ng tumulong para maging matagumpay ang selebrasyon ko ng aking 50th anniversary, maraming salamat. Hindi ko ito magagawa ng nag-iisa. At salamat at nag-take over ang GMA, nagkaroon ako ng magandang palabas. Sana mapanood n’yo bukas, April 27, sa GMA rin, para malaman n’yo kung bakit ako dapat maraming ipagpasalamat.

Kris Lawrence hindi nagawang awayin si Hayden

Ipinamalas lamang ni Kris Lawrence na edukado siya. Kinamayan niya si Hayden Kho nang magkita sila. Bakit nga hindi, eh naka-move na siya. Baka ipinapasa-Diyos na lamang niya ang lahat.

Mukhang ini-expect ng lahat na magkakasuntukan sila ng lalaking nang-api sa ina ng kanyang anak. Pero hindi ito ang nangyari. Nagpaka-maginoo ni Kris at napuri siya sa kanyang ginawa. 

Mga tinutulungan ni mother nananalo

May mga kandidato na namang tinutulungan si Mother Lily Monteverde. At mind you lahat ng sinusuportahan niya ay nananalo. Una niyang ipina-presscon si Grace Poe, na sinundan ni Allan Peter Cayetano. Both candidates ay popular sa mga taga-showbiz, siguro dahil may mga kamag-anak silang showbiz, si Allan Peter ay kapatid ng popular at si Grace ay anak nina FPJ at Susan Roces. Next week ay si Chiz Escudero naman na taga-showbiz din ang turing dahil taga-That’s…ang ex niya at artista ang current niya.