Ibinuko ng utol: Claudine totoong may sakit

PIK: Successful at star-studded ang 50th anniversary ni German Moreno, ang 50 years With the Master Showman na ginanap sa Resorts World nung kamakalawa ng gabi.

Wala doon ang ilang malalaking artistang may malaking puwang sa showbiz career ni Kuya Germs, gaya nina Nora Aunor at Lea Salonga o kahit si Gov. Vilma Santos, pero parang hindi naman sila kawalan dahil sa napuno ito ng ilan pang mga big stars na nakisaya sa malaking event sa showbiz career ng Master Showman.

Maganda ang show at touching ang bawat production number na ibinigay sa kanya, kaya panay ang iyak ni Kuya Germs sa sobrang kasiyahan sa binigay na pagpapahalaga sa kanyang career.

PAK: Masayang kinuwento ni Ara Mina na mas okay na okay na raw ngayon ang samahan nila ni Cristine Reyes pagkatapos nilang magkabati.

Nakita na raw ni Ara ang sincerity sa pakikipag-ayos ni Cristine lalo na’t pati raw kay Mayor Patrick Meneses ay humingi rin daw ng sorry si Cristine.

Kuwento ni Ara, umiiyak daw si Cristine na humihingi ng sorry kay Mayor Patrick na nadamay sa away nila noon.

Pinuri nga raw ni Cristine si Mayor Patrick na hindi niya iniwan si Ara nung nasa gitna ito ng kanilang gulo. Nagpapasalamat din si Ara kay Mayor Patrick na hanggang ngayon ay napapanatili nila ang magandang relasyon.

BOOM: Ang kapatid na lalaki nina Gretchen at Claudine Barretto na si Joaquin Barretto ang nagsalita para ipagtanggol si Gretchen.

Nagpa-interview ito sa PEP at marami rin siyang pasabog laban sa sariling ina at kay Claudine.

Ayon kay Joaquin, talagang may sakit daw si Claudine at hindi raw iyun dapat itanggi ng kanyang ina.

Nag-aalala na nga raw ang mga taong malapit kina Claudine at Raymart Santiago dahil nakikita na raw na apektado na ang mga bata, pati ang pagsasama ng mag-asawa.

Pero hindi na maganda ang bangayan ng buong pamilya dahil babagsak pa rin iyun sa responsibilidad ng magulang.