Bubble Gang may summer special

MANILA, Philippines - Ngayong Biyernes (Abril 26), todo tawanan ang siguradong ihahatid sa mga Kapuso viewers dahil mapapanood na ang first part ng summer special ng longest running gag show na Bubble Gang sa Corals­ Beach Resort, Morong, Bataan .

Makikipagkulitan sa mga gags and spoofs ang mga guests na sina Sef Cadayona, Chariz Solomon, LJ Reyes, Mikael Daez, at Dennis Trillo.

Bukod sa paboritong matandang magbibigay payo na si Tatalino, hindi rin dapat palampasin ang kuwento ng dalawang magkaibigang nagtatalo kung sino ang unang ililibing sa buhangin sa Sino Ililibing.

Mas mainit pa sa tag-init ang ipaparamdam ng pagbabalik ng nag-iisang Mr. Assimo. Dahil nga nagsimula na ang summer, susubukan naman niya ngayong matuto kung paano lumangoy.

Matutunghayan din ang Boat Wisely kung saan isang tourist ang pag-aagawan ng dalawang may-ari ng bangka at ang Sand Castle Inspector na mang­huhuli sa sino mang gagawa ng sand castle ng walang paalam.

Painit na rin ng painit ang magiging pick-up-an ngayong Biyernes. Sino naman kaya ngayon ang mapapatumba ng nag-iiisang idol pagdating sa pick-up-an na si Boy Pick-up.

Mapapanood ang unang bahagi ng summer special ng Bubble Gang ngayong Biyernes, April 26 pagkatapos ng Love and Lies sa GMA.