Team Jaypee vs. Team Janine!

CEBU, Philippines - Garry: Kaluoy ni Jaypee Santos. Gibuwagan sa iyang kanhi officemate nga beauty queen nga si 2012 Miss Universe 1st Runner-up Janine Tugonon. Ang rason sa panagbuwag? Ang constant communication ni Janine ngadto kang Danny O’Donoghue, usa ka Irish pop rock vocalist sa band nga The Script, nga personal nga nahimamat sa beauty-queen niadtong nag-concert ang grupo sa Manila niadtong Marso 31.

Aguroy! Sakit huna-hunaon apan maoy tinuod kay daghang maka-relate ani Vatski kay bisan dili artista apan kung naay kahigayunan nga kung mo-ingon ang imong crush nga "follow me" di kaha ka mo-kiringking og follow? Ambot lang aning Janine, nawagtangan og pamuot. Nakalimot man nga naa man siya'y uyab ug ever loyal pa gyud niya. Hinuon daghan gyud ang nakasaway sa hitsura sa uyab ni Janine nga dili gyud maingon nato nga "gwapo" compare ni Danny nga head-turner ngadto sa mga babaye. Apan unsa man diay ang sukaranan sa gugma? Keyso public figure ka or dili, gwapo or bati og nawong imong uyab, kung tinud-anay ka dapat walang plastikan. Kauloy ni Jaypee oi. Akong gi-search sa akong archives ang previous interviews ni Janine human siya nakadaog nga may i-declare "she will stick with her ex no matter what."

Vatski: Maayong adlaw, Gar, ug sa tanang mga loyalista sa Banatanay! Summer na summer na gyud, di na mabangbang ang kainit, gani tagaliog na among bayranan sa kuryente. Mao na’ng magtambay nalang gyud ko’s mall ron para makatipid. Hahaha! Anyway, unsaon ta man, Gar, kung na-fall out of love gyud si Janine kang Jaypee? Ma-shock siguro ko kung nahigugma pa gihapon siya anang tawhana nga mura’g mediocre ra kaayo. I’m not saying nga big-time na si Janine ha, pero Janine Tagunon is no longer an ordinary person. So, dapat iyang uyab mosunod pud sa flow otherwise mabiyaan gyud siya. Tan-aw nako, wala’y ambisyon ni’ng si Jaypee, mura’g kuntento nalang gyud siya nga naa sa luyo sa kasikat ni Janine, which is not good. And besides, Gar, ma-fall out of love man gyud ang tawo, basin mao na’y nahitabo kang Janine. Basin diay wa’y lami ni’ng mahigugma si Jaypee, sama sa iyang dagway. Hahaha! No offense bitaw, apan magkatawa man ko’s nawong aning Jaypee uy. Mura’g kuwang sa kaisug. Gani katong moment nga gi-declare na ni Janine sa national TV nga buwag na sila, mura intawon siya’g gisabligan og tubig bugnaw. Ana diay siya ka tanga?

Garry: Pero, tinuod nga Janine, Vatski, has a right to change her mind kay iya manang life. Ang wala lang gyud nako mauyoni mao nga iyang gi-announce publicly sa Kris TV pa gyud. May I say pa gyud ni siya Vatski nga "No Way!" niyang buwagan bisan pa man masikat na siya. Ka-easy girl baya niya uy. In short, Vatski, ayaw pagsalita og tapos. Mogamay imong value. If I were Janine, kung wala na unta siya'y masulti, mohilom nalang unta siya. Di ba!?

VATSKI: Gar, ana man gyud na: unsa imung gisulti karon possible nga mausab ugma. For a time siguro gihigugma niya si Jaypee pero as I’ve said nahupas na. Ikaw man sab siguro kung papilion ka between a mediocre ug usa ka bongga nga laki sama sa The Script vocalist, adto gyud ka’s bongga, dili ba? Nganong mopilit man ka’s tan-aw nimo nga wa kay kaugmaon. Anyway, happy belated birthday sa akong higala nga si Edil Basalo (April 19) sa Talisay City.

Pangutana: Uyon ba mo sa pamahayag ni Janine nga mas maayo nga karong wala pa sila nagpakasal ni Jaypee siya nagduha-duha sa iyang pagbati kaysa minyo na sila ug anha pa niya matugkad nga dili diay kini ang lalaki nga iyang gusto? Unsa man gyu’y inyong reaksyon niining maong isyu?

Ipabuhagay na kana dear okRYANians, kauban ang imong ngalan ug address ngadto sa : 0917-904-7513. Kutob lamang karong ala una, (1pm, April 22) sa hapon ang pagdawat nato sa inyong mga reaksyon, busa text, text, text na!