Ryzza napungot sa staff sa EB

CEBU, Philipppines - Napungot matud  ang child star nga si Ryzza Mae Dizon ngadto sa staff sa Eat Bulaga  gumikan kay gikataw-an ang iyang dagway sa passport.  Maaayo na lang gani kay naam-aman ra si Ryzza.

Bag-ong project

Gipahibalo ni Susan Roces aduna na pud siya’y laing proyekto sa ABS-CBN ug naghinam-hinam na siya niini. Mapasalamaton siya sa Dos gumikan kay giatiman  gyud ang iyang showbiz career. Katapusang nalantawan si Susan, sa seryeng Walang Hanggan.

Lexi: Wala ko masuya!

Wala’y  problema alang kang Lexi Fernandez nga siya maoy nidala nga kontrabida kang  Kim Rodriguez sa Kakambal Ni Eliana.  Gitataw usab ni Lexi nga wala siya nasuya  kang Kim kinsa  bag-ong nawong karon sa showbiz.

Artista ni Aga atbangan

Dili lang kay si Aga Muhlach ra ang magdala og mga artista sa pipila niya ka mga political rally  sa Camarines Sur. Matud pa nga magbibit usab og mga artista ang kaatbang ni Aga sa politica sa maong dapit. Nidagan si Aga pagka-kongresista sa Camarines Sur.

BB giidolo ni Paulo

Tsika pa ni Paulo Avelino nga giidolo niya si BB Gandang Hari gumikan kay kanunay gyud siya mosunod sa mga pelikula niini sa dihang Rustom Padilla pa kini sa mata sa mga tawo. Kahinumduman nga nipadayag si BB nga na-crush siya kang Paulo. Andam usab si Paulo nga makauban si BB sa usa ka proyekto.