Kapuso stars dadayo sa Bangus Festival at GenSan

MANILA, Philippines - Bibisita ang cast ng GMA Network sa isa pang sikat na Philippine festival – ang Bangus Festival ng Dagupan City – na may Kapuso Float Parade at Kapuso Fiesta at dadaluhan ito nina Kylie Padilla, Mark Herras, Benjamin Alves, at Polo Ravales ng Unforgettable at Kim Rodriguez, Lexi Fernandez, Enzo Pineda, at Kristoffer Martin ng Kakambal ni Eliana ngayong April 22. 

Kasama rin si Chef Boy Logro na muli na namang ipapamalas ang talento sa pagluluto sa pamamagitan ng 101 Ways to Cook activity sa April 23. 

Samantala, sa Mindanao region, tampok sina Kris Bernal at Moymoy Pa­la­boy sa KCC Mall of GenSan sa April 27.