Funtastic Medellin

Mao na ni all over the world! Domingo na usab,BisChika na! Karung Domingoha akong ipaambit kaninyo ang akong Summer Escapade didto sa Lungsod sa Medellin, Cebu ang Eco- Adventure Capital of the North. Hugyaw gyud ang maong kasinatian kay didto sa bukid sa Caputatan Norte akong gisuwayan ang makalingaw nga Cable Car ug sa unang higayun sa akong kinabuhi ang Zipline nga murag feeling nako mura ko’g giihaw nga butanding sa sige’g singgit.hahahaha! Maayo na lang ang Tarzan Jump na-exempted ang akong beauty.

 Human sa bukirang bahin sa Medellin, didto na pud ko sa tubig nga mas feel nako kay I heart water. Ngano kaha? Tungod usa ko ka butanding mas carry nako ang ilang outdoor activities? Nasayop ko, kay sa pagbisita namo sa Funtastic Island ug Sandbar, ang katin-aw sa tubig, ang mga maanindot nga corals, makaingon ka nga Funtastic Medellin gyud! Wala nako usiki ang kahigayonan nga molangoy ala butanding sa dagat kauban ang mga kapuso nga naa usab didto, game usab kaayo ko nga nagpa-picture sa mga nag enjoy sa dagat ug sa dihang  ako na untang suwayan ang paglukso sa ilang 20 feet cliff diving nga molakaw ka sa platform dayun lukso. Wala nakaya sa akong powers!

Ang kulba sa akong kasingksing ug kurog sa akong paa. Ang ending nikaon na lang ko og pakwan. Pawala sa kulba. Pero kung gitukmod ko sure ko nga nakalukso ko...hahahaha! Gisuwayan usab nako ang kayaking nga nahuot ko, nisakay ang among EP Vlad Fernando ug SP Bernard Labalan sa Banana Boat. Gisuwayan pud nako ang River Cruise sa Dagusungan River, naglakawlakaw sa hideaway resort nga dunay taas kaayo nga bamboo bridge ug gisaka nako ang watch tower, floating cottage nga pwede ka mag-overnight nga kaya ra sa bulsa. Usa ka mabulukong summer escapade gyud ang dili nako makalimtan.

Pero kung init lang ang hisgutan mas niinit og samot ang akong summer tungod sa grupo nga Masculados! May I watch ko sa ilang Album Promo Mall Tour, ang Masculados Dekada ug nahatagan ‘ta og higayon nga mahimamat ang maong grupo ug siyempre si direk Maryo J. Delos Reyes. Dili lang mall tour ang ilang giari sa Sugbo apan dire sila nag-shoot sa ilang MTV para sa kanta nga " Di Ko Mapigil " para sa ilang album kauban ang mga CPDRC dancing inmates.

Nitikang ko sa maong shoot ug na up close and personal nako ang mga Masculados nga silang  Enrico Mofar, Lexter Lazaro, Robin Robel, Ozu Ong, Nico Cordova ug Orlando Sol. Nahugyaw ko sa ilang mga lawas ug sa ilang gisul-ob kay na klaro nako ang......ingon ko sa kuyog nako nga cameraman nga galain ang akong lawas.hahahahaha!!! Ang type nako sa unom ka miyembro kay si Ozu Ong abtik ko nagpa-picture sa walay pagduhaduha...O,di ba? May I buy dayon ko og album with matching autograph signing...feeling fan ang inyong Yur's truly.

Karong Summer mga Sweet Kabutanding...Enjoy it!  Salamat Mayor Ricky Ramirez, sa Vice Mayor and Council and the ever active and always on the go nga gwapong Tourism Officer, Giles Anthony Villamor, Jeanette Malinao, Consultant on Information and Tourism,  Dexter Diola, ang wacky nga staff ug tour guide.