Arnel Pineda at Bb. Pilipinas winners, may world-class surprise sa ASAP
MANILA, Philippines - Mababangis at mapapangahas na production numbers ang masasaksihan sa ASAP 18 ngayong Linggo (Abril 21) sa back-to-back-to-back birthday ceÂlebrations ng tatlo sa pinaka-iniidolong artista ngaÂyon na sina KC Concepcion, Kim Chiu, at Daniel Padilla.
Bukod sa espesyal na regalo nina KC, Kim, at Daniel, world-class beauty at talent naman ang ibibida sa ASAP 18 centerstage sa ultimate rock concert experience na ihahatid ng Journey frontman at Pinoy Pride na si Arnel Pineda; sa nakamamanghang performances ng Pilipinas Got Talent 4 finalists na si Eumee Lyn Capile at The Miss Tres; at sa nakahuhumaling na production number ng Bb. Pilipinas winners na sina Pia Wurtzbach, Mutya Datul, Joanna Miranda, Bea Rose Santiago, at ang Bb. Pilipinas Universe 2013 na si Ariella Arida.
Hindi rin pahuhuli sa pasiklaban ng talento ng ASAP Kanto Boys Jr. na sina Bugoy Cariño, Izzy Canillo, Joshen Bernardo, at Zaijian Jaranilla na may inihandang cute na cute na sorpresa.
Samantala, abangan ang explosive Latin dance ng dance royalties na sina Maja Salvador at Shaina Magdayao sa ‘supah hot clash dance’ na ‘MASH;’ na susundan ng makapigil-hiningang Supahdance showcase nina Gerald Anderson, Enchong Dee, Erich Gonzales, Rayver Cruz, Empress, Iya Villania, at Iza Calzado.
Non-stop na galing naman ang matutunghayan sa concert stage sa makatindig-balahibong musical performances na ihahandog nina Martin Nievera, ZsaZsa Padilla, Vina Morales, Erik Santos, Jed Madela, Yeng Constantino, Nikki Gil, Jovit Baldivino, Marcelito Pomoy, ASAP Sessionistas, at Piolo Pascual.
- Latest
