Tubag ni Arida kinopya?

CEBU, Philippines - Nabahin og reaksyon sa mga followers sa www.fashionpulis.com ug gikagubtan nila og maayo ang tubag ni 2013 Bb. Pilipinas Ariella Arida sa final question gumikan kay susama matud pa kini sa gigahut ni  Miss Aruba Taryn Mansell, kinsa 1996 Miss Universe First Runner-up. Ang istorya mao nga nakahibaw na matud pa ang tanang kandidata sa Bb. Pilipinas sa posibling manggawas nga mga pangutana busa dili matud pa angay kahibudngan nga nakatubag og ingon niadto si Arada nga susama sa kahulugan sa giyawyaw ni Mansell kaniadto.

May mga wala pa makadawat sa kamatuoran nga napildi ang ilang mga manok ug mikomentaryo nga luto na matud pa ang kadaugan ni Arida.

Apan may mga milaban kang Arida ug miingon nga normal lang sa mga beauty pageants nga pahibaw-on unsay posibling mga pangutana nga manggawas ug kun kugihan ka nga mubansay-bansay sa tubag sa posibling pangutana nga imong madawat, makatubag gyud ka. Ang mao matud pa nga sistema susama ra og nag-review ka para sa usa ka examination nga hatagan ka og pointers unsay posibling mugawas nga pangutana, depende ra kun makatayming gyud ka og pangutana nga natun-an nimo og maayo.

Kahinumduman nga sa Miss Universe pageant niadtong 2011 diin mitapos isip Third Runner-up si Shamcey Supsup, gibutyag sa usa sa mga hurado nga si Lea Salonga nga igo lamang silang gihatagan og pangutana sa organizers nga maoy ilang ibato ngadto sa kandidata nga makahulbot sa ilang ngalan.

Kini dihang daghan ang mi-question kang Lea nganong sayon ra kaayo ang iyang pangutana ngadto kang Miss Angola Leila Lopes, nga maoy midaog niadtong tungora.

Ania ang ilang mga tubag:

"One lesson in life that we, women, can teach men is being sensitive. Because we all know that men are more logical when it comes to decision. They usually are more rational, straight forward. Unlike we, women, we use our heart and we tend to get emotional in some of our decisions. For me, sensitivity is something that we can teach men." -Ara Arida ( MU Philippines 2013).

“El hombre de la mujer puede aprender la sensibilidad, o sea ser mas humano, no aguarse en su propio yo, la capacidad de luchar que tenemos nosotros y poder mental que tenemos nosotras” – Taryn Mansell (Miss Universe 1996).

English translation: "I believe men can learn sensitivity from women, men can learn warmth from women. I believe that men can learn a great deal from everything we have to offer." - Taryn Mansell

Oppsss…..

Alang sa katin-awan sa tanan, ang nahitabo kagabii sa SM Convention Center mao ang Cultural Presentation sa Miss Earth Philippines. Karong Mayo 19, pa ang Coronation Night ug isalida sa ABS-CBN. Pasensya na…Salamat.