Diana nang-raket

CEBU, philippines - Mahiligon sa production work si Diana Zubiri  busa gawas sa iyang mga acting projects, mo-sideline usab siya sa production. Nasayran nga siya ang mo-train sa  studio audience sa Eat Bulaga kung unsaon ang saktong pag-pakpak.

Heart Evangelista

Kasamtangang  naglikay si Heart Evangelista nga magkakuyog sila sa iyang uyab nga si Sen. Chiz Escudero kung dunay daghang tawo.Maayo matud pa ang maong pamaagi aron mahupas na sa dili madugay ang giatubang nila nga mga isyu ug usa na ang wala pag-uyon sa mga ginikanan ni Heart ngadto kang Chiz.

Barong gipangandaman ni German

Nagkaduol na ang kasaulogan  sa 50th anniversary sa showbiz ni German Moreno. Suma pa ni German nga iyaha nga gipangandaman ang barong nga iyang sul-ubon sa nahisgutang kalihukan.

Dili mo-surrender

Wala masulod sa  listahan sa mahimong entry sa Cannes Film Festival ang indie film nga Ekstra nga gibidahan ni Governor Vilma Santos. Apan wala gihapon mawad-i og paglaum ang production team niini ug andam gihapon sila mosalmot sa ubang mga film festival.

Nagbalik o wala?

Pipila na ka higayon nga niuban si Andi Eigennman sa kampanya ni kanhi Joseph Estrada kinsa midagan pagka-mayor sa Maynila.  Gitataw hinuon niya nga wala sila nagbalik sa anak ni Erap nga si Jake Ejercito apan close gihapon sila niini.

Pa-cute ang peg

Bisan unsaon og pugos, wala gyu’y plano si Derrick Monasterio nga modawat og daring role. Gi-enjoy una sa young actor ang wholesome niya nga image. (Sanden J. Anadia)