Aksyon Bisaya pildi sa Balitang Bisdak!

CEBU, Philippines - Comparative Program Ratings and Audience Shares

GMA's BALITANG BISDAK vs. ABS and TV 5 Counterparts

METRO CEBU TV Households

March 2013 (official data)

Source: Nielsen Phils. TAM (Arianna)

Ang Balitang Bisdak sa GMA-7 ug Aksyon Bisaya sa TV5 mao ang mga local newscasts nga magsungag dinhi sa Sugbo ug pipila ka mga dapit sa Visayas Lunes hangtud Biyernes nga tanan.

Ang Aksyon magsugod og 5:3-6pm samtang ang Bisdak musulod sa ere og 5:50 hangtud 6:30pm.

Subay niini, nangayo og reaksyon ang Banat News Hugyaw (BNH) sa GMA-7 kabahin sa pamahayag ni TV5 News Manager Rosemarie Holganza—Borromeo nga maayo ang rating sa Aksyon Bisaya nga kanhi gidumala nila ni Atty. Ruphil Banoc ug Lanne Sino Cruz, ug may mga panahon nga napildi pa nila ang Balitang Bisdak

Isip reaksyon gihatagan sa GMA-7 og latest Comparative Ratings ang BNH tali sa Aksyon Bisaya ug Balitang Bisdak.

Base sa survey sa Nilesen Philippines sa kinatibuk-ang bahin sa Marso niining tuiga, daog ang Balitang Bisdak nga may 10.3% TV Household Ratings itandi sa TV5's Aksyon Bisaya nga may 6.7% TV Household Ratings.

Si GMA-7 Station Manager Ann Marie Tan pinaagi sa Facebook chat kagahapon sa hapon, nagpasalamat sa mga Sugbuanon sa ilang suporta ug mipasidungog sa ilang news team gumikan sa maong kadaugan.

“That's due to the hardworking men & women of GMA Cebu News & Public Affairs,” nagkanayon si Tan.

Samtang sa kinatibuk-ang ratings game naglawig ang  GMA Network, Inc., sa  first quarter karong tuiga  ug nilampaso kini sa mga ka-kompetensya niini  ilabi na sa  Urban Luzon.

Base sa datos sa Neilsen   niadtong  January hangtud sa March 2013, nakaangkon ang  GMA og  average total day audience share nga 35.7 %, ang  ABS-CBN nakalangkat og  29.5 %s, samtang ang TV5 adunay 14.5 %.

Kahinumduman nga wala pa gyud nailog ang pagkabutang sa number one spot sa GMA didto sa Urban Luzon ug sa miaging tuig, nakaangkon kini og 38.2 %  total day average television household audience share.  Ang ABS-CBN nagtangag og  27.4 % ug nakakuha usab og 14.6% ang  TV 5.

Namintinar usab sa GMA ang maayong istado niini sa Urban Visayas ug Urban Mindanao sa unang quarter karong tuiga (January 1 to March 16 official data; March 17 to 24 overnight data). Ang GMA nagtangag og 20.3 %, samtang  nakaangkon usab og 17.7 % ang TV 5.

Samtang kinatibuk-ang datos sa  GMA niadtong 2012, nakakuha og  21 %  total day average sa Urban Visayas, samtang  ang TV 5 nakalangkat og  17.7 %.

Misaad ang GMA nga mopadayon sa paghatag og mga maayong kalidad nga programa ug gihingusgan usab sa network ang pagpadala og Kapuso stars sa nagkadaiya nga mga dapit sa nasud.

“We are happy that GMA continues to enjoy the support of viewers in Urban Luzon and we acknowledge our share of growing loyal Kapuso viewers in Visayas and Mindanao. Rest assured, we will continue to come up with quality and original programs that will win us more loyal viewers in the regions,” matud pa ni GMA Network Chairman ug  CEO Atty. Felipe L. Gozon.

Ni-subscribe ang GMA ug TV5 sa Nielsen TV Audience Measurement, samtang nag-inusara nga local network  ang  ABS-CBN nga ni-subscribe sa  Kantar Media, kanhi  TNS. Sanden J. Anadia