Si Daniel ang peg?

CEBU, Philippines - Gikagubtan kining maong hulagway ni Charice nga mikatap sa Facebook kagahapon kay matud pa  murag si Daniel Padilla na pud ang gisunod ni Charice human ni Aiza Seguerra.

Unsaon pagpapha sa blackheads ug whiteheads?

Kinahanglan gyud ang paghatag og oras sa pagmintinar sa maayong pamanit. Ang uban kanato naproblema sa ilang blackheads ug whiteheads apan wala nagpasabot nga mopalit og mahal nga tambal alang niini. Adunay mga alternatibong pamaagi sa pagwagtang sa blackheads ug whiteheads  ug minos lang ang gasto. Labaw sa tanan, kasagaran niini, makit-an ra diha sa inyong tagsa-tagsa ka kusina. Sama niining musunod:

• Toothpaste – Ipaghid kini sa  infected areas ug paistara sa nawong sulod sa 25 minutos. Bation nimo ang kahalang apan normal lang kini. Panghilam-os dayon og tubig  ug makita gyud nimo nga dunay positibong resulta. Buhaton nimo kini sa linat-ang nga mga adlaw sulod sa duha ka semana.

• Kamatis – Aduna kini  natural antiseptic properties nga mopawagtang sa whiteheads ug blackheads. Dugmuka ang kamatis ug i-apply kini sa nawong  inig dayon nimong katulog . Hugasi dayon imong nawong inigkabuntag.

•  Cornstarch – Isagol ang cornstarch sa suka nga moresulta sa iyang pagkalapot.  Ipahimutang kini sa affected areas sulod sa 15 ngadto sa 30 minutos.  Hilam-osan dayon kini inig kahuman.

• Yogurt - Isagol  ang tulo ka kutsara nga plain yogurt ngadto sa duha ka kutsara  nga oatmeal. Dugangi og olive oil ug usa ka kutsara nga lemon juice. Ipahimutang kini ngadto sa lima ngadto sa siyete minutos ug hugasan dayon ang nawong og bugnaw nga tubig.

• Patatas – Pikasa kini ug ipahimutang sa nawong sulod sa 15 minutos  ug hugasi dayon.

• Oatmeal – Galinga ang oatmeal ug butangi og rose water. Ipaghid kini sa affected areas sulod sa 15 minutos ug hugasi sa bugnaw nga tubig .

• Baking soda – Sagoli kini og tubig nga igo pud molapot. Ipaghid kini sulod sa 15 minutos .

• Honey —  Butangi og honey ang  affected area sulod sa 15 minutos. (Tinagik ni Anden Miles gikan sa FB account sa Health Remedies —AWHW)