Sheryn Regis: Sinungaling Mong Puso

CEBU, Philippines - Balik Pilipinas ang garbo sa Sugbo ug gitawag nga Crystal Voice of Asia nga si Sheryn Regis human sa kapin sa tulo ka tuig nga pagpuyo kauban ang iyang bana nga si Earl Echiverri ug anak nga si Sweety sa Sugar Land, Texas, USA. Nibalik si Sheryn sa Pilipinas niadtong Enero aron motambong sa Sinulog ug nagpabilin hangtod sa Mayo 20 para sa tv guestings, mall shows, regional and out of the country concerts.

Kahinumduman nga ni-migrate paingon sa Amerika ang garbo sa dakbayan sa Carcar ug iyang pamilya niadtong Marso 2010 para sa kaugmaon sa ilang anak. Sa tulo ka tuig ni Sheryn sa Amerika, nagpadayon siya sa pagkanta alang sa mga kababayan nga Pinoy pinaagi sa iyang mga shows ug concerts nga produce sa TFC (The Filipino Channel) ug mga Filipino community sa bisan asa nga state sa Amerika.

Gidumala na si Sheryn karon ni Annabelle Regalado – Borja sa MediaNation Inc. sama nila David Pomeranz, Marvin Agustin, Aiza Seguerra, Jeffrey Hidalgo ug sa Kanta Pilipinas Grand Winner Chadleen Lacdo-o nga usa usab ka Cebuana.

Sa temporaryong pagbalik ni Sheryn sa Pilipinas dungan sa iyang pagsaulog sa iyang ika-10th  anniversary sa showbiz isip recording star, aduna siya’y regalo kanatong tanan. Mao kini ang iyang bag-ong kanta nga nag-ulohan og Sinungaling Mong Puso under MediaNation Music ug Saturno Music.

Ginama ang maong kanta sa usa sa mga labing respetadong kompositor ug hitmaker sa Pilipinas nga si Vehnee A. Saturno ug pwede na madunggan ug ma-request sa dili madugay sa mga  fm station sa Cebu: 91.5 Hot FM, 93.9 I FM, 94.7 Energy FM, 95.5 Star FM, MOR 97.1 Lupig Sila, 97.9 Love Radio, 99.5 RT Nindota Ah ug 103.5 Wild FM.

Ang Sinungaling Mong Puso available na on digital format ug pwede ma download online pinaagi sa iTunes ug sa www.mymusicstore.com.ph kung diin 4th Most Downloaded Song ang maong kanta human lamang sa pipila ka adlaw sukad na-release.

Ug ang mas gipaabot sa mga Cebuanos mao ang iyang homecoming dinhi sa Cebu ugma Abril 13 pinaagi sa usa ka show sa Waterfront Hotel Cebu inig ka gabii samtang sa adlawan mao ang radio tour aron i-promote ang iyang new single. Madunggan ninyo si Sheryn ug iyang bag-ong kanta sa mas gipaminaw nga FM ug AM Stations dinhi sa Sugbo sa mosunod nga mga oras:

9AM-11AM   – 107.5 WIN RADIO

11AM-12NN  –  okRYAN with Ryan Mark sa dyRC 648 khz

12NN-2PM    –  99.5 RT Nindota Ah

1PM-3PM     –  MOR 97.1 Lupig Sila

Kung unsa inyong ikasulti sa bag-ong kanta ni Sheryn, i-Tweet kana sa Twitter gamit ang hashtag #Sinungaling Mong Puso By Sheryn Regis. Ug para sa iyang latest updates, i-LIKE sa FB ang MediaNation Inc. ug i-FOLLOW sa Twitter @medianationinc and follow Sheryn on:

Facebook: facebook.com/sheryn.regis

Twitter: @sherynregisreal

Instagram: @sherynregis…