Pinaka-nakakakilig nina Angeline, Paulo, at Sam mapapanood na sa Biyernes

MANILA, Philippines - Ngayong nakuha na ng karakter ni Paulo Avelino na si Lance ang matamis na “oo” ni Aurora (Angeline Quinto) sa kilig-serye ng ABS-CBN na Kahit Konting Pagtingin, handa na niyang gawin ang susunod na hakbang sa kanilang relasyon at pakasalan ang babaeng kanyang pinakamamahal. Huli na nga ba si Adam (Sam Milby) para ipaglaban ang kanyang nararamdaman para kay Aurora?

Handa na ba siyang ipagtapat kay Lance na iniibig rin niya ang babaeng pakakasalan? Sino nga ba sa magkapatid ang mananaig sa puso ni Aurora — si Lance na pinatunayan ang pag-ibig sa kanya, o si Adam na inililihim ang pagtingin sa kanya? Huwag palampasin ang nakakakilig na pagtatapos ng Kahit Konting Pagtingin, ngayong Biyernes, 5:15 p.m., sa ABS-CBN.