Kris for VP?

CEBU, Philippines - Garry: Before anything else, daghang salamat sa The Risen Saviour Bible Baptist-Church headed by Pastor Jonathan Santamaria ug si Lt. Reynante Villela, head sa Civil Military Operation  sa Philippine Navy, sa malampusong gipahigayon nga medical, dental, operation tuli, libreng tupi ug feeding program diha sa Barangay Tejero. Kapin 500 ka mga lumulupyo ang naka-avail sa maong programa.

Usa nalang ka-buwan kapin, ug eleksyon na. Pilia intawon na mga BANATanay readers ang tarung ug atong tan-aw nga aduna’y makahatag og kaayuhan sa atong pang-gobyerno. Dili puros sulti, kun dili kanang aduna’y trabahong mapakita. Apan, Vatski, wala pa gani nag-eleksyon, misibaw na usab ang taho nga sa 2016 si Kris Aquino modagan  pagka-bise president. Why shouldn’t she run? She is educated, articulate, well-spoken, hard working, etc. Mao gyud ni ang tingog sa sip-sip uban..

So, what kung naka-possess siya niini? Makadumala kaha siya sa tibuok Pilipinas nga nagkagidlay man gani iyang kinabuhi? Manglimpyo sa ta sa atong tugkaran una sa uban.

VATSKI: Maayong adlaw, Gar, ug sa tanang mga loyalista sa Banatanay!

Grabe, init na gyud kaayo, kinahanglan na gyud ta molayat sa beach para mahuwasan. Anyway, sama sa kainit sa panahon karon ang kainit sa dugo sa mga tawo kang Kris Aquino. Nganu man uy, nga tawo ra man pud ni’ng si Kris. And besides, kining latest issue niya ron, dili man siyay nagmugna ani. Dili ba, si retired Manila Archbishop Oscar Cruz may namulong nga modagan si Kris isip bise presidente sa 2016. Ug ni-react ra pud dayun ang mga tawo. Ang ako lang no, let’s give Kris a break. Bati tuod ang mga issues bahin niya lately, but it doesn’t mean tanan nalang iyang sala. In fairness to her, wala gyud siya niangkon nga mao na iyang target sa 2016. If my memory serves me right, gusto ra siya moserbisyo isip gobernador sa Tarlac. Pero og ugaling tinuod nga mag-vice president gyud siya, why not? Modagan pa bitaw siya, which means botaran pa siya sa mga tawo. Naa man tay katungod nga modagan, kung qualified lang. Dagan gani na’ng wala’y klarong
experience, si Kris pa kaha nga anad na nga makig-atubang og mga tawo.

GARRY:  Bisan pa Vatski nga transparent ug she speaks her mind, dili buot pasabot nga she is a good executive and legislator. True,
nga naa siyay’ appeal kay artista siya pero wala man siya’y track
record of handling governance. Ayaw i-compare sa uban nga proven ug tested man gyud sila. Wala na’y cut ug take two ang pagdumala sa gobyerno ug dili na madala og acting ang pag-alagad ug serbisyo. Si Kris Aquino, anha nalang siya diha sa showbiz ug dili na molayat sa politika.. Tama na, sobra na!

VATSKI: As I said, Gar, mudagan pa lang siya kung tinuod man gani ang chismis. Ang mga tawo ray mohukom kung padag-on siya. Dagan gani tong si Noli de Castro, Fernando Poe Jr., Lito Lapid ug ubang pang mga celebrity nga klaro gyung walay kalibutan sa pang-gobyerno, si Kris pa kaha. Mao ni giingun, Gar, naa ra gyud sa katawhan kung motuo ba sila sa usa ka controversial TV host ang mamahimong bise presidente sa atong nasud. Anyway, happy belated birthday to Maria Luz Delima (Apr 3) sa Talisay City College ug kang Mitchelle Palaubsanon sa The Freeman  (Apr1).

Pangutana: Kun ugaling matinuod nga mag-bise presidente si Kris Aquino sa 2016, mubotar ka niya ug ngano man? Text na hugyawnatics, dungan sa imong ngalan ug address ngadto sa: 0917-904-7513. Kutob lamang karong 12 noon, April 8, ang pagdawat nato sa inyong mga mensahe, busa go go go na!