Isabelle aktibo sa pagtakbo

MANILA, Philippines - Isa lamang ang Kapuso actress at host na si Isabelle Daza sa mga regular participant ng iba’t ibang races ng Unilab Active Health. Sa kamakailang naganap na Tri United 1, namayagpag si Isabelle bilang 9th placer sa standard female category nang matapos niya ang 1.5-km. swim, 40-km. bike, at 10-km run race.

Ang Tri United ay proyekto ng BIKEKING sa pamumuno ni Raul Cuevas at sa pakiki­pagtulungan ng Subic Bay Metropolitan Authority (SBMA) Tou­rism Department at Unilab Active Health. Marami pang races ang hatid ng Tri United matapos ang matagumpay na Tri United 1: Tri United 2 sa July 7, Tri United 3 sa Oct. 27, at Tri United 4 sa Nov. 24 pati at Subic Clark Tarlac Expressway (SCTEX) Unilab Active Health duathlon sa Sept. 8.