‘Ibang level’ ni Rufa Mae hindi na pinapatos ng mga tao; Sarah miss na miss si Richard

SEEN: Offensive ang “matanda” na tawag ni Manila City Vice-Mayor Isko Moreno kay Manila City Mayor Alfredo Lim dahil matanda rin ang kanyang running mate na si ex-President Joseph Estrada. Hindi dapat kalimutan ni Isko na tatanda rin siya at matatanda ang mga botante sa Maynila.

SCENE: Bakasyon grande sa Italy sina Viva Films big boss Vic del Rosario at Joanne Quintas.

SEEN: Miss na miss ni Sarah Lahbati ang kanyang boyfriend na si Richard Gutierrez kaya hindi siya nakatiis na mag-post sa Instagram ng : “Yes. I’m cheesy like that. Whatever. I miss you so much my love.. Everything will get better soon..”

SCENE:  Ang 61st birthday party kagabi ni Tirso Cruz III sa  events place na pag-aari ni Senator Jinggoy Estrada sa San Juan.

SEEN:  Dapat mag-isip ng ibang gimik si Rufa Mae Quinto dahil hindi na kinakagat ng mga tao ang kanyang favorite expression na “Ibang level na ‘to.” Hindi na rin pinapatulan ang mga press release tungkol sa kanyang love life.

Ibang level na ang utak ng mga tao.

SCENE: Hindi dapat paniwalaan ang balita na kumalat kahapon na magaganap sa Pilipinas ang Miss Universe 2013. April Fools Day kahapon.

SEEN: Naghihintay ang fans ni Julie Anne San Jose sa next movie project na ipagkakatiwala sa kanya ng GMA Films. Hindi na nasundan ang Just One Summer  movie ni Julie Anne.

SCENE: Hindi pa tapos ang imbestigasyon sa tunay na dahilan ng pagsabog ng speedboat ni Aga Muhlach sa Camaroan, Camarines Sur noong Black Saturday.