Kisaw sa Hugyaw nga Plunge

CEBU, Philippines - Sama sa kainit sa berano kon summer ang Plunge! Cebu’s Ultimate Summer Fashion Show nga gipahigayon diha sa Robinsons Fuente activity area dili pa lang dugay. Ang Banat News Hugyaw ug Psalmstre Enterprises duha lamang sa daghan nga misuporta sa maong pasundayag.

Gibalandra sa maong fashion show ang mga senina ug aksesorya nga haum isul-ob ug idayan-dayan ning panahon sa ting-init. Mga Sugbuanong dibuhista nga nagbase dinhi sa Sugbo ug sa Dubai ang nangamot pagmugna sa hugyaw ug makaukay nga mga desinyo nga gilangkuban nila ni Aldwin Guardiana, Bernardo Flores, Cyrus Velasco, Danny Booc, Edwin Alba, Kenneth Harrion, Lemuel Rosos, Philipp Tampus, ug Rommel Pareja. Masilakon usab ang mga binuhat sa FIDA fashion design students nga sila si Aloha Begin, Angela Dado, Yves Fernandez, Dolly Pontillas, Cefane Ramayrat, Edward James Castro, Elle Abellana, Ethel Batucan, ug Hanz Vonder Lou Libato.

Naghari nga mga color ang pink, yellow, green, ug earth colors. Mensahe sa maong halandumong hitabo nga dili kinahanglang mahal nga biste ug dayan-dayan ang isul-ob. Ang mahinungdanon mao nga haum kini sa mosul-ob aron mahimo siyang confident, komportable, ug hayahay ang pamati. Gipanglantawan sa mga bagang duot sa manan-away ang pagpahigayon sa laing hugna sa Plunge sunod tuig. Gawas sa makabibihag nga mga modelo, nakaukay ug nakamugnag kasikas usab ang pagkanta ug pagpakatawa sa nailang Angry Bird of Asia nga si Menerva ug ang pagpanayaw sa Disco Remix Dancers.

Kauban usab nga  mga sponsors ang Olive-C, New Placenta, Glutamin, Scent-J, PAGCOR CEBU, Slimmers World, Workout Fitness Centre, Mr. Rhyss Gabato, Mr. Rodskie Cuison, Hapuhap Wellness Spa, GIZMO, D’Beauty Wonderland Saloon, Style Hub, SNS, ug Dazed and Confused. Gawas sa Banat News Hugyaw, media partners usab ang GMA7 Buena Mano Balita, Love Radio, Showbiz Sosyal, ug FaceCebu.Net. Official makeup artists sila si Gretchen Sy, Karen Rama, Marion Alcasid, ug Scarlet. Sila si Merbert Catamco, Jemmerson Edar, Mark Ramaz Ramirez, ug  Mark Yap ang official photographers. Si Richard Comision maoy director sa nahisgutang usa ka oras ug tunga sa fashion show.