Eskina Tampo Homemade

CEBU, Philippines - Naanad ka ba nga permi na lang mubisita og beauty clinic aron magpagwapa? O, naanad ka ba nga mupalit og mga gamit pampagwapa aron mas maanyag kang tan-awon? Aniay mga tips diin ang mga gamiton makita lamang sa sulod sa atong panimalay.

Baking Soda para muputi ang ngipon

Alhen Lopez, 20

Admin staff

Gamit ang usa ka kutsara nga baking soda isagol kini sa tubig ug kutawa, dayun inudnod kini sa imung ngipon. Buhata kini sulod sa tulo hangtud sa lima ka minuto. Ug makita nimu ang resulta nga mao ang puti ug mala perlas nga color sa ngipon. Mura pud ka og nagpa-cleaning ani kay mangatangtang man ang mga tagiti sa imung ngipon. Buhata kini two times per month.

Toothpaste para sa kuku nga yelo

Nieves Arizo, 20

Student, BEED-IV

Kung na problema ka kay ang imung kuku nag yelo, gamit lang og toothpaste. Butangi og gamay nga toothpaste imung kuku ug inudnod kini sulod sa lima ka minuto. Mawala ang ka yelo sa imung kuku ug mu-sinaw pa gyud.

Body lotion for straight silky nga buhok

Victoria Robinson, 22

Singer

Kung ang imung buhok kay nag-flyway, sulbad na imung problema. Gamit lang og lotion— pwedi pud hand lotion. Butangi lang og lotion imung kamut ug dayun ibutang sa buhok nga nag fly away, dayun sudlayi. Makita nimu ang resulta nga straight na og sinaw pa imung buhok.

Ice para stress free

Samantha Velez, 19

Student, IT

Kung stress kaayo ka unya wala pa kay tulog, gamit lang og ice. Kuha lang og gamay nga ice unya ibutang sa imung nawong, hinay-hinaya og nudnod aron ma-relax imung muscle sa nawong. Inig human makita nimu ang resulta nga soft ug fresh ug pinkish na ang imung nawong. Buhata kini kada-adlaw.

White Sugar and Coconut Oil para sa pagtang-tang sa white ug black heads

Mary Joy Chiong, 19

Student, BSBA

Para ni sa mga nagproblema sa kun unsaon nila pagtangtang ang white heads ug black heads. I-mix lang ang white sugar ug coconut oil, i-mix og tarung, dayun, i-apply sa nawong dayun inudnod, ug makita nimu ang resulta nga nakuhakuhaan ang imung white ug black heads. Buhata ni kada adlaw ug makita nimu ang resulta nga nagka anam-anam ug wala na gyud ang white ug black heads.

Baby Oil & Salt para sa mga dry og skin

Loraine Garcia, 20

CallCenter Agent

Para sa mga dry og skin, i-mix lang ang baby oil ug salt, dayun inudnod gamit ang labakara. Mubalik sa kahayag ug kasinaw ang imung kutis, ug mudugay pa kini sulod sa tulo ka adlaw.

Cotton & Isopropyl Alcohol para sa mga oily og skin

Shane Bacalso,18

Student

Para ni sa mga pareha nako nga oily og skin, specially sa nawong. Inig mata nimu ini’g buntag kuha og gapas ug alcohol, bas-a sa alcohol ang gapas dayun inudnod sa tibuok nawng ayaw kawta). Makatang-tang pud ni og acne kung imung buhaton kada-adlaw.

Baking Soda ug Water para sa dry ug unhealthy nga buhok

April Labrada, 25

Mother

Para ni sa mga gusto mabalik ang ka healthy sa ilang hair. Kuha lang og usa ka kutsara nga baking soda ug usa ka tasang tubig dayun isud ni sa usa ka botilya sa mineral water, gamit ang imbudo isud ang baking soda sa botilya dayun butangi og tubig, dayun i- mix hangtud matunaw ang baking soda, dayun ibubu sa buhok ug i-massage. Buhata kini sulod sa 2-3 ka minuto. Dayun waswasan og maayo.

Ahos para sa bugas (pimples)

Viena Lobaton, 26

Student, AB-Polsci

Kini nga tip para sa katong nagproblema kung unsaon pagtang-tang sa mga lama nga agi sa ilang bugas(pimples). Kuha lang og ahos, paniti dayun dukduka og pino, dayun i-butang sa parti sa imung nawong nga naay bugas, pasagdai hangtud sa 15 ka minutos, dayun waswasi og init-init nga tubig ug trapuhi dayun og labakara nga limpyo. 

Lemonsito for hairfall

Shiela Jane Gaco, 25

Student

Kuha og lemoncito dayun pug-a, isud ni sa usa ka container, ang gidaghanun sa lemoncito magdepende sa kabaga sa imung buhok. Inig human nimu og puga sa tanan lemonsito, ibubu ni sa imung buhok ug i-massage, pasagdai kini sulod sa 10 ka minutos, dayun waswasi og tarung.