Kris vs. James!

CEBU, Philippines - GARRY: Karon ang sugod sa Semana Santa, sugod sa pinitinsya sa mga tawo. Magpalansang sa krus, aguy kadakong binuang. Apan sa miaging mga adlaw, murag nagpinitinsya ug nagpalansang na sa krus ang kinabuhi ni Kris Aquino ug James Yap. Salamat kay naay gag order gikan sa korte aron paghilom nilang duha. Maluoy kong Kris Vatski, nganong dili naman lang na mopuyo si James Yap uy? Sakto pud nga naa nay gag order kay gara na gyud na siya. Unsa pa man iyahang gusto kwarta napud? Unya ang mga tawo sad no, basulon si Kris kay drama kuno kaayo. Sala ba diay ni Kris nga interviewhon siya?  Public figure gud siya, dili ba Vatski?

VATSKI:  Maayong adlaw, Gar, ug sa tanang mga loyalist sa Banatanay. Sugod na gyud bitaw sa Semana Santa, ug nanghinaut mi diri sa Banat News nga sa makausa pa, lab-ason nato ang atong pagtuo pinaagi sa pag-ambit sa pagpasakit ni Hesukristo. Bisag sa unsang pamaagi, dili ba ka mokaon og baboy, dili moinum og coke, naa ra na nimu, ang importante takus nimo kining gibuhat. Anyway, speaking of takus, ang pangutana, Gar, tinud-anay ba sab ni’ng gibuhat ni Kris? Basin drama napud ni sa ABS-CBN. Kay if you notice, nihinay na ang mga salida sa maong TV host, mao ni’ng nag-plot dayun sila og issue sama aning away kuno nila ni James Yap para lang hisgutan napud ni siya. Kahibawo bitaw ka aning Kris, bisa’g unsa ka gamay nga butang, padak-on gyud. Unya kini sa’ng ABS-CBN, syempre, og daghang maghisgot kang Kris, mainteresado dayun ang mga televiewers kung unsay ipangyawyaw unya niya sa iyang mga shows, which means, ratings; and ratings means money. Ana na, Gar, pangwarta ba. And you know, Kris, bisag moingun pa siya nga gipangwartahan siya ni James, atik ra gud na niya para makakuha og simpatiya sa mga tawo. And for sure, scripted na na tanan, ang ABS ang director.

GARRY: Pataka lang sad ka Vatski, apil apilon gyud nimo ang ABS sa issue! Unsay connection ha? Atakap lang gyud ka da. Dili diay pwede maghimo og kaugalingong drama si Kris? Kinahanglan gyud naay blessings sa iyang network? Kahibawo biya ka ana niya nga open kaayo na iyang life sa publiko. So no need nga naay backing sa station uy. Iyaha ra na, and usa ra gyud ang mabasol, si James Yap. 

VATSKI: Ah, Gar, bisa’g magyawyaw pa ka diha og taman sa ginhawa, wala na kay mahimo kay mao gyud na ang istroya sa kinabuhi ni Kris. If you remember, mao pud na iyang gibuhat kang Joey Marquez. Nayabo intawon ang political career sa maong komedyante tungod sa kabulgar aning Kris Aquino. And kung mahinumdum pud ka, mao to nga panahon nga nisikat og maayo ang iyang mga shows sa ABS-CBN. Spoiled brat ni si Kris, nga kung maglagot gani siya sa iyang laki, iya gyud buhaton ang tanan para ma-down ni og pag-ayo, while siya, mosaka. Career move gud na. Suma, siya ra tingali ang TV personality nga pwerte kadaghan og product endorsement bisan pa sa dili maayo niya nga reputasyon. Sa masud lang gud sa laang, and this time si James na pud. As I said scripted na na ang tanan. Hilabi na nga nihinay og samot ang ratings sa iyang mga show. Tan-awa, human ani nga issue, puro Kris Aquino na pud na imong makita sa TV. 

Pangutana: Kinsa nilang duha ni James ug Kris ang nagsulti sa tinuod kun ikaw maoy pangutan-on? Kang kinsa ka mupusta? Ngano man? Ipadayag ang imong opinion, dungan sa imong ngalan ug address ngadto sa : 0917-9047513.

Tubaga lang ang pangutana ug suportahi ang imong tubag. Ayaw na pagdaghan og istorya. Kutob lamang karong 12 noon, March 25, ang pagdawat sa inyong reaksyon busa text, text, text na dayon!