Pagdidikta ng magulang ni Heart negang-nega!

SEEN: Menor de edad si Baby James Yap aka Bimby. Siya ang dapat na pinoprotekta­han ng kanyang mga magulang. Tao siya, hindi laruan na pinag-aagawan ng mga nag-aaway na bata.

SCENE: Dumami na ang puting buhok ni James Yap dahil sa kanyang mga problema.

SEEN: Si Tetchie Agbayani sa isang Chinese restaurant sa Quezon Avenue sa Quezon City noong Miyerkules.

Sarap na sarap si Tetchie sa pagkain ng mami habang nakataas sa silya ang kanyang mga paa.

SCENE: Negative ang reaksiyon ng mga tao sa pakikialam ng mga magulang ni Heart Evange­lista sa love life ng kanilang anak. Hindi na teenager ang aktres para diktahan ng mga magulang.

SEEN: Sa April 15 ang pilot telecast ng Kakambal ni Eliana, ang afternoon soap ng GMA 7. Ang mga bida sa Kakambal ni Eliana ay sina Kristoffer Martin, Enzo Pineda, at Kim Rodriguez.

SCENE: Nakitang nag-dinner si Teresa Loyzaga at ng kanyang pamil­ya sa Robinsons Magnolia sa New Manila.

Kasama ni Teresa ang kanyang ama, ang basketball legend na si Caloy Loyzaga na nakaupo sa wheelchair.

SEEN: Ang pangit na report ni ABS-CBN reporter na si Zyann Ambrosio na “atat” na ang media na magtanong kay Luis Antonio Cardinal Tagle nang dumating ito kahapon sa Pilipinas mula sa Vatican City.