Welcome, Jeric!

CEBU, Philippines - Yezz mga Yadzz, tinuod ang inyong nabasa. Dunay usa ka gihinganlan og usa ka Jeric Raval nga moabot this coming Saturday, March 23. Ug sugaton siya sa gitawag na ron nako nga, “Ang babayeng wala’y pahuway, si Mam Aida Patana.

Pero dili siya mag-inusara, kauban niya sila si Isabel Granada ug Gabby Concepcion.

Pero nganong name man gyud ni Jeric ang akong gihingan as headline niining lindog?

Kadako sa mga names nilang Isabel ug Gabby, unya si Jeric pa gyud ang gihatagan nako’g importansya.

Kinsa siya? Bitaw, kinsa siya? Hindi naman siya si Daniel Padilla nga kagubtan sa mga batan-on, unya akong gihatagan og importansya.

Well, sa iyang panahon [ug sa akong prime years sa showbiz], nag-reign shiya as one of the action stars niadtong kusog pa gyod kaayo ang mga action movies.

Mao kana ang hinungdan nganong gihatagan nako’g importansiya ang iyang name. Kay gimingaw na pod ko niya, ug it had to take an Aida aron makakita na pod ko niya’g usab.

Kay sila’s Isabel, labi na’s Gabby , anytime paanhion sa ABS-CBN. Nganong moanhi sila? Duna sila’y gihimong TV series para sa outfit ni Mam Aida, so salamat nga dunay Aida nga nakahunahuna sa pagpaapil ni Jeric. Ug apil kuno ko sa mo-welcome ani nila.

Ang uban gud, igo lang mo-announce nga moanhi ang ilang mga artista, bahala na’g kinsay sakop sa media nga magkara kara pagpangita’g way aron sila ma-interview. Dili na ako, PERIOD.