Diva hatagan dayon og proyekto

CEBU, Philippines - Tsika pa ni Diva Montelaba dinhi sa Banat News Hugyaw,  nga karon nga nahuman na ang Pahiram ng Sandali, gikatahong hatagan siya og follow-up project sa GMA-7. Kahinumduman nga namantala dinhi sa Banat News Hugyaw sa miaging semana nga gidayeg siya pag-ayo sa direktor sa maong serye nga si Maryo delos Reyes gumikan sa hugyaw niya nga pag-arte. Gawas sa proyekto niya sa GMA, malakip usab si Diva sa next movie project ni Derek Maryo.

Cristine segurado na

Mitumaw ang tsika kagahapon nga matud pa nga dili na bukas si Cristine Reyes sa posibilidad nga magkabalik sila ni Rayver Cruz. Giingong gipili sa aktres ang paghatag og atensyon sa iyang career. Sa maong pamaagi, malayo na siya sa mga intriga.

Rocco wala makontento

Tsika pa ni Rocco Nacino dinhi sa Banat News Hugyaw nga wala siya nakontento sa pagpangayo og pasaylo ni Cynthia Villar ngadto sa mga nurse. Matud pa ni Rocco kinsa usa ka registered nurse, nga kinahanglan nga magbinantayon kanunay ang usa ka politiko sa mga gipanglitok niini aron wala’y masakitan nga mga tawo.

House and lot

Nakatigom na og igong kuwarta si Jillian Ward busa nagplano siya karon nga mopalit og balay ug yuta. Gusto sa batang aktres nga duna siya’y makita sa iyang mga hinagoan sa showbiz.

Mark todo paningkamot

Giangkon ni Mark Anthony Fernandez nga gidoble na niya ang iyang effort   sa bag-ong project niya nga Bukod Kang Pinagpala. Gabaha ang mga bug-at niya nga eksena sa maong serye.

Hugyaw nga effects

Nigamit og mga bag-ong teknolohiya ang ABS-CBN busa matud pa hugyaw ang visual effects sa Little Champ nga gibidahan ni Senador Lito Lapid. Matud pa nga gigastohan usab og maayo ang post-production niini.

Kathryn dili mobabag ni Daniel

Tsika pa ni Kathryn Bernardo nga bisan pa man nga “mutual understanding” ang istado nila ni Daniel Padilla,  dili siya mobabag sa aktor kung mangulitawo kini sa ubang babaye. Matud pa nga wala siya’y katungod nga mobabag gumikan kay dili pa sila pormal nga uyab ni Daniel.

Angelika nalingaw na sa pag-arte

Naka-focus karon si Angelika de la Cruz sa showbiz busa dili pa niya matino kung unsa siya nga  tuiga  mosolud sa  kalibutan sa politika. Matud pa sa aktres nga malipayon na siya sa iyang trabaho karon ug nalikay pa gyud siya sa kagubot.

Pagsure diha Sam!

Paliko-liko ang lenggua ni Sam Concepcion kung unsa gyud ang real score nila ni Jasmine Curtis Smith. “We hang out a lot. We spend a lot of time together,” suma pa sa singer.

Aiko giabibahan

Nakadawat og daghang pagdayeg ang pagsulod ni Aiko Melendez sa seryeng Apoy sa Dagat sa ABS-CBN. Suma pa sa mga obserbasyon, nga wala gihapon mahupas ang karisma ni Aiko atubangan sa kamera ug maayo gihapon kini moarte. (Sanden J. Anadia)