Lovi naghihintay kung ano ang gagawing kontrata ng GMA 7; BB kilos Rustom nang kinantahan ni Martin

PIK: Kahit saglit lang dito sa ating bansa ang kilalang Hollywood actor na si Liam Hemsworth ay nag-enjoy siya sa mainit na pagtanggap sa kanya ng mga Pinoy.

Inimbitahan si Liam ng Bench para i-promote ang naturang produkto na ini-endorse niya.

Nang humarap ito sa media, tilian ang fans lalo na ang mga kababaihan at nag-enjoy din ang mabait na aktor.

 Balak daw niyang bumalik dito sa Pilipinas para i-explore ang mga bundok, mga beach, na alam niyang mai-enjoy niya.

Pawang safe questions ang ibinato kay Liam at hindi napag-usapan ang breakup nila ni Miley Cyrus.

PAK: Komento ng karamihang nanood sa nakaraang repeat ng Foursome concert nina Ogie Alcasid, Martin Nievera, Regine Velasquez, at Pops Fernandez, parang kilos-Rustom Padilla naman daw si BB Gandanghari nang kinantahan ito ni Martin ng Be My Lady.

Isa ’yun sa mga nakakatuwang bahagi ng natu­rang concert lalo nang ipinasa ang mic kay Eddie Gu­tierrez para ituloy ang naturang kanta para kay Annabelle Rama.

Doon na rin sa Foursome concert natupad ang matagal na nilang pangarap na magsama-sama, lalo na’t bahagi na rin si Gary Valenciano.

Kaya tinawag nila si Zsa Zsa Padilla na nandun din sa naturang concert at nagpa-picture silang anim sa stage.

BOOM: Finally, matutuloy na rin ang story conference ng bagong series ni Ri­chard Gutierrez sa GMA 7 na Love and Lies.

Maaaring may nakuha na silang leading lady na ipalit kay Lovi Poe na balita’y li­lipat na ng TV5.

Nakausap naman namin ang manager ng aktres na si Leo Dominguez at sinabi nga niyang as of presstime, wala pa silang desisyon kung dadalo sila sa story conference. Although, may natanggap naman siyang text tungkol sa naturang storycon.

Sabi naman ni Leo, wala pa silang napirmahang kontrata sa ibang network gaya ng TV5.

Nung nakaraang Huwebes lang natapos ang kontrata ni Lovi sa GMA 7 at gusto raw sana nila maayos ang renewal ng kontrata bago siya magsimula ng anumang programa sa GMA 7.

Naghihintay lang sila ng desisyon ng Kapuso Network kaugnay sa kontrata ni Lovi bago sila mag-decide.

“We’re giving the respect to GMA 7 kung ano ang gagawin nila sa contract ni Lovi. Wala pa rin naman hanggang ngayon. We’re still waiting kung ano ang gagawin nila sa contract,” bahagi ng pahayag ni Leo.

As of now, wala pang may nagkumpirma sa amin kung sino na talaga ang leading lady ni Richard sa Love and Lies.